míns eigins blogg!

Fluttur - farinn!

2006-05-23T22:09:00.000Z

Hæ.

Ég hef flutt bloggið mitt á grösugri veiðilendur. Það heldur nú til á .mac - nánar tiltekið hér: web.mac.com/jon_kjartan. Þarna lendið þið á forsíðu - efst til vinstri er síðan knappur merktur "blogg". Sjáumst.

flytja þetta?

2006-05-19T21:58:00.000Z

Er að spá í að flytja bloggið hingað: http://www.simnet.is/jki/Jon%20Kjartan/Blogg/C5143E9C-2932-4825-842F-89DD901BC0AB.html - styttri útgáfan er simnet.is/jki - að sumu leyti þægilegra. Að öðru leyti ekki - þarf að finna eitthvað út úr commentakerfi sem er hægt að setja inní þetta iWeb umhverfi.

ARRRGGHH!!!

2006-05-18T20:01:00.000Z

Vá! Einhverjar útvarpsglyðrur var ég búinn að heyra tjá sig um hvað rússinn væri flottur... hann er á sviðinu núna - eins og klipptur út úr karate kid eða back to the future. Svakalegasti "mullet" sem ég hef séð - langsíðastur að aftan. Ái.

undanjúró

2006-05-18T19:49:00.000Z

Mikið óttalegt píp er þetta nú þetta dót. Júróvisjón á það til að vera vond, en þetta er jú verra en venjulegt júró - því þetta eru að stofni þeir sem eru ekki nógið góðir til að vera memm í alvörunni. Núna er dúlla frá Monaco að syngja - rammfalskt. Áðan var íri - svona þegar heyrðist í honum í gegnum strengjadrunurnar. Svo var eitthvað skelfilegt frá Albaníu... ái. Hví leggur maður það á sig ár efgtir ár að fylgjast með þessu? Er það bara útaf því hvað þetta er hæpað rosalega upp í ríkisfjölmiðlunum - þeir láta manni finnast þetta vera eitthvað merkilegt? Sko ég er eindreginn stuðningsmaður þess að hafa forkeppni hérna heima - en mikið óttlalega er mér mikið sama um þessa útlandskeppni..

Fjárans Blogger!!!

2006-05-08T22:06:00.000Z

Búinn að komast að því hvað er að hrjá blogger/router - það er í lagi að skrifa smá, en um leið og ég fer eitthvað að röfla að viti (er það nú hægt) þá fer allt í steik. Ég semsé verð að vera skorinorður. HJÁLP!!! Ég kann það ekkert!!!!

bara að prufa..

2006-05-07T17:15:00.000Z

... hvort það birtist það sem ég reyni að blogga í vinnunni. Tek það fram að það er sunnudagur - utan vinnutíma. En ég mun ekki blogga hér - þetta er tilraunastarfsemi.

Prufa að editera stutta færslu að heiman....

gestkvæmt hjá partí(l)jóni

2006-04-30T15:07:00.000Z

Hæbb.
Abbsakið þögnina uppá síðkastið, en hef verið svolítið upptekinn. Var í æfingabúðum með kórnum mínum um síðustu helgi(mikið stuð)og þar var ákveðið að flýta tónleikunum okkar - hafa þá núna um þessa helgi, nánar tiltekið á morgun (mánudag) kl. 5 í Laugarneskirkju. Það kostaði nokkra snúninga að láta þetta gerast - búa til plaköt, miða og efnisskrá osfrv. Og jú, svo voru settar á tvær æfingar í vikunni. Svo núna þessa helgina er ég í gestgjafahlutverkinu. Túri vinur okkar í Skyttunum/Ómum, sá sem allajafnan hefur hýst okkur í fjöldamörgum ferðum okkar til vesturheims - þegar við höfum farið í þorrablótaspilerísleiðangra, hann gistir hér hjá mér um helgina með félaga sínum. Og fyrir mann sem er ekki í almennilegri þjálfun í drykkju er það meira en að segja það að hanga með kalli eins og Túra. Partýljón frá helvíti. Þannig að ég er að reyna að hanga í kjólfaldinum hjá honum, ég á ekki séns! En ég hef hinsvegar afsökun fyrir eymingjaskapnum í kvöld - þarf jú að vera vel upplagður á tónleikunum á morgun.

Heyri í yss síðar - þarf að fara að gestgjafast smá..

Ammælis..

2006-04-20T20:35:00.000Z

Nei ekki mitt.. það er hins vegar mikið um ammæli í kringum mig núna. Og mitt á leiðinni. Verð fertugur í sumar og veit ekki enn hvort ég á að nenna að halda uppá það að einhverju ráði. Nákvæmlega engin hefð fyrir því að halda uppá afmæli á þessu litla heimili. En - datt inná svona eitthvað internet dodo um afmæli:

***Your Birthdate: August 25***

You excel at anything difficult or high tech.
In other words, you're a total (brilliant) geek.
It's difficult for you to find people worth spending time with.
Which is probably why you'll take over the world with your evil robots!

Your strength: Your unfailing logic

Your weakness: Loving machines more than people

Your power color: Tan

Your power symbol: Pi

Your power month: July

What Does Your Birth Date Mean?
http://www.blogthings.com/whatdoesyourbirthdatemeanquiz/

Sannleikskorn inná milli þarna eða hvað?

Og svo er eitthvað svona í gangi að ýtá á fólk til að fletta upp afmælinu sínu í wikipedia og birta eitthvað að því sem manni finnst merkilegt af því sem hefur gerst þennan dag. Það er hér:
Atburðir.
1537 - The Honourable Artillery Company, the oldest surviving regiment in the British Army, and the second most senior, is formed.
1609 - Galileo Galilei demonstrates his first telescope to Venetian lawmakers.
1910 - Yellow Cab is founded.
Fæðingar.
1918 - Leonard Bernstein, American conductor and composer (d. 1990)
1930 - Sir Sean Connery, Scottish actor
1933 - Wayne Shorter, American musician
1949 - Gene Simmons, Israeli-born bassist
1954 - Elvis Costello, English musician
1970 - Claudia Schiffer, German model

Svo er ýmislegt fleira talið þarna upp - en þetta fannst mér skemmtilegast.

Who'd have thunk it?!

2006-04-07T23:50:00.000Z

Calista Flockhart - var hún eitthvað furðulega grönn? Ég meina - kommon! Manneskjan varla hékk saman! Ef þetta er frétt þá veit ég ekki hvað. This be olds, not news.

Svakalega stórskuldugur!

2006-03-23T19:50:00.000Z

Fór og keypti mér íbúð í dag, ljómandi stuð það. Það sem mér finnst síðra er þetta með að skulda núna rúmar 14 milljónir. Kunni svo ljómandi hreint vel við að skulda hvergi neitt. En, fín íbúð - og bílskúr handa öllum græjunum mínum. Og flyt þá í sumarbyrjun enn og aftur uppá Breiðholtið og hef flottasta útsýni í heimi. Eða næstum því. Ef það væri ekki móða í rúðunum sumum..

Annað mál. Það finnast víða menn sem ættu ekki tala í útvarp. Heyrði viðtalsbút við einhvern fulltrúa umferðarstofu sem sagði að 3 helstu ástæður umferðarslysa séu áfengi, hraðakstur og öryggisbelti. Djöfull vissi ég að þessi belti væru hættuleg. Nei, grínlaust - hvernig eiga öryggisbelti að geta valdið slysum? Jafnvel þó maður líti fram hjá því sem hann sagði og taki það sem hann var að meina, hvernig á það - hvort maður notar öryggisbelti eða ekki - að geta haft áhrif á það hvort maður lendi í slysi eða ekki? Það eru til gögn sem styðja það að í flestum tegundum umferðarslysa minnki beltanotkun líkur á meiðslum, en það er bara allt annað! Ágætis tungumál sem við höfum, en mikið svakalega pirrar mig svona notkun á því, þegar mönnum bara tekst engan vegin að gubba því út úr sér skammlaust sem þeir eru að reyna að segja. Ojæja...

"smá" misskilningur

2006-03-11T19:39:00.000Z

The Boss was in a quandary. He had to fire somebody. He
had narrowed it down to one of two people, Debra or Jack.

It was an impossible decision, they were both super workers.
Rather than flip a coin, he decided he would fire the first one
who used the water cooler the next morning.

Debra came in the next morning with a horrible hang-over after
partying all night. She went to the cooler to take an aspirin.

The Boss approached her and said: " Debra, I've never done this
before,but I have to lay you or Jack off."

"Could you jack off?" she says. "I feel like shit, today"

Á hraðbraut til heljar...

2006-03-10T22:27:00.000Z

.. svo vitnað sé í AC/DC. Mér sýnist það augljóst á þessari frétt að þessir geðsjúklingar sem fara með völd í USA séu búnir að ákveða að ráðast inn í Íran. Sem trúlega gerir heil ósköp til að róa araba niður - eða þannig. Hve blindir geta menn verið?

Apaköttur!

2006-02-27T22:52:00.000Z

Þessi snillingur átti þvílíkan stórleik á alþingi í lok síðustu viku að ég get ekki orða bundist. Einhver samfylkingarþingmaður, Krisján Möller að ég held, fór í pontu og spurði ráðherra hvort ekki væri kominn tími á að endurskoða og helst leggja niður stimpilgjöld. Árni M., sjá ljóti apaköttur, stökk uppá nef sér og bar það á þingmanninn að hann væri nú bara í vinsældarveiðum (sem er væri nú hvorki nýtt né fréttnæmt um þingmenn þess auma flokks, Samfylkingarinnar) og hann ætti að tala af meiri ábyrgð og gera sér grein fyrir því að þetta væri ein af stoðunum undir rekstur ríkisjóðs, einn af burðarásum velferðarkerfisins. Ég minnist þess ekki að hafa heyrt slík orð úr munni Árna þegar hátekjuskatturinn og eignaskatturinn voru lagðir af. Ætli tekjurnar af þeim hafi farið í annað?

Sko - ég er argasta íhald og allt að því últrahægrimaður. Og mér fannst eignaskatturinn ósanngjarn, því þar var verið að skattleggja eignir sem var búið að skattleggja áður. Annað hvort hafði fólk keypt þær fyrir tekjur sem það hefði greitt skatt af, eða erft þær og greitt hinn feykilega fáránlega erfðafjárskatt. Sem mig minnir og vona að nú hafi verið lagður af. Sá er/var fáránlegur - ef þú drepst (sem kemur jú fyrir okkur öll) þá erfir/erfði ríkið sjálfvirkt einhvern... hvað var það... þriðjung? Bara rán! Hátekjuskattur...ekki endilega sanngjarn, en ásættanlegur (sérstaklega þegar við búum við þann fáránlega launamun sem nú er í gangi). En stimpilgjöld! Sérstakur skattur á þá sem eiga ekki pening og þurfa að taka lán!!! Er til heimskulegri skattstofn? Og þetta ver lægstvirtur apaköttur - sem ekki heyrðist í hósti né stuna þegar minna heimskulegir skattar voru lagðir af.

Forvitnilegt... en þó hreint ekki fyrir alla. Né Allah ef útí það er farið...

2006-02-25T16:00:00.000Z

Rakst á vafri mínu á skrif um þátt sem Richard Dawkins var með nýlega á BBC channel 4. Þar er hann að fjalla um trúarbrögð / vísindi. Hér er eitthvað um þetta og ef þið klikkið á ljósmyndina sjáiði myndskeið úr þættinum.

Ég geri mér grein fyrir því að ekki verða allir þeir sem lesa bloggið mitt sérstaklega kátir með þetta... en það verður bara svo að vera. Mig dauðlangar að sjá þennan þátt í sjónvarpinu.

Júró

2006-02-19T03:06:00.000Z

Nú þegar júrósvisjón er búið í bili ætla ég að segja nokkur lauflétt orð.

Í fyrsta lagi - þá langar mig rosalega að vita hverjir voru í dómnefndinni sem valdi þessi 24 lög í undankeppnina. Það voru þarna nokkur lög sem voru langt fyrir neðan það að vera bara "ekki góð". Ég hef heyrt nokkur lög sem ekki náðu inn og eru talsvert betri en megnið af því sem var í þessari keppni. Mér er ofarlega í huga lag með hljómsv eitinni Hraun! sem ég heyrði demó af hjá einum meðlima - eitt mest grípandi lag sem ég hef heyrt. En það komst ekki í keppnina - nei, en swing-rapp lagið hans Bassa komst áfram og lagið sem hann Sigurjón Brink söng annars svo ári vel, helvíti vont lag. Nú, lagið sem Geir Ólafs söng og Friðrik Ómar samdi - það var agalegt. Friðrik er frábær söngvari - en hreint ekki góður lagahöfundur. Nú konan sem ég ekki man hvað heitir (ill tunga kallaði í mín eyru "ungfrú tanngarð") - býr í USA og flutti eigið lag. Það var helvíti vont.

Í annan stað (© Jón B. Hannibalsson) - hví er þetta gert svona stór og dýrt? Sjónvarpið heldur þessa keppni annað slagið og hendir í hana fáránlegu magni af peningum og þess á milli halda þeir enga keppni vegna þess að það er svo dýrt. Smá hugmynd hérna: hvernig væri að halda keppnina án þess að vera með allan þennan íburð? Ríkissjónvarpið hefur löngum klikkað á þessu - eytt allt of miklum pening í smekklausar umbúðir og fyrir vikið vart haft efni á innihaldinu. Mér er minnistætt gott dæmi. Á skjá einum var eitt sinn þáttur sem hét Björn og félagar. Björn Jörundur Friðbjörnsson (hann var vel að merkja ekki fyrsti né eini stjórnandi þáttarins - bara sá besti) ásamt hljómsveitinni Buff. Skemmtilega afslappaður og bráðskemmtilegur þáttur. Á sama tíma var Steinunn Ólína með samskonar spjallþátt á ríkisjónvarpinu, með hljómsveit Gunna Þórðar. Sá þáttur var ekki beint skemmtilegur. Sviðsmyndin hjá Birni og félögum hefur trúlega kostað svona fimmþúsundkall, en sú hjá Steinunni hefur líklega verið nær millu - einni og hálfri.

Lagið sem lak: Jú, Kristján Hreinsmögur hefur rétt fyrir sér. Reglur eiga að gilda jafnt fyrir alla og það á að vera á ábyrgð höfunda að gæta þess að lögin þeirra fari ekki í opinbera birtingu. Það hefði átt að dæma Þorvald Bjarna og co úr keppni. En þetta er ekki eins og mannsmorð eða eitthvað - sjónvarpsstjóri ákvað að halda laginu inni, væntanlega útafþví að það var skemmtilega öðruvísi og gerði júró að talsvert skemmtilegra efni en það hefði verið án þess. Hann hefur vald til þess. Sjónvarpið á þessa keppni og þeir setja reglurnar - og geta væntanlega bara breytt þeim eins og þeim sýnist. Þetta er nokkuð sem Kristján hefði átt að átta sig á í stað þess að gera sig að fíbli. Voðalega vont PR hjá honum. Hann hefur hingað til átt afskaplega greiða leið í útvarpið, verið að skjóta limrum og ýmsum skeytum - og verið trítaður svolítið eins og eitthvað selebritý, svo maður sletti nú smá. Spurning hvað hann á opna leið inná RÚV núna - hef á tilfinningunni að Páll Magnússon taki ekkert létt á svona uppákomum og ráði því sem hann vill ráða. Mér skilst að þegar höfundar rottuðu sig saman og hótuðu að ganga úr keppninni yrði Þorvaldi og Silvíu ekki vísað úr keppni þá hafi hann sagð þeim að gjöra svo vel, en þetta yrði þá síðasta júróforkeppnin meðan hann væri útvarpsstjóri. Þokkalega töff á móti. Jaðrar við obbeldi.

Einn svolítið skemmtilegur vinkill á þessu öllu; sá sem samkv. heimildum var harðastur ásamt Kristjáni í því að hóta að draga sig úr keppnninni ef lagi Þorvaldar Bjarna yrði ekki vísað úr keppninni heitir Hallgrímur Óskarsson. Býsna ótrúlegt. Síðast þegar ég vissi ráku þeir saman, ásamt honum Vigni Snæ í Írafár, Reykjavik Music Productions og Tónvinnsluskóla Þorvaldar Bjarna. Væntanlega svolítið þvinguð stemming á skrifstofunni þegar júró er til umræðu.

En að lokum - ég hef nú ekki verið sérlega ginkeyptur fyrir Silvíu Nótt æðinu, sá minnst af þáttunum og bara nennti ekki að fylgjast almennilega með því litla sem ég sá. Leist ekkert á það þegar ég heyrði að þessi fígúra yrði í keppninni. En hún var bara ógissla flott skilurðu. Sexy show og afbragðsflutningur. Hún kann alveg að syngja hún Ágústa. Hinir bara áttu ekki séns. Ekki minnsta.

Tekið af forsíðu Visir.is

2006-02-12T19:12:00.000Z

NFS, 12. Febrúar 2006 18:13
Dagur B. Eggertsdótti hlaut fyrsta sætið

Rúmlega átta þúsund manns tóku þátt í prófkjörinu. Dagur B. Eggertsson hlaut 3870 atkvæði í fyrsta sæti, Steinunn Valdís 4512 í 1.-2. sætið og Stefán Jón 4365 atkvæði í 1.-3. Röð efstu fimm á lista Samfylkingarinnar í Reykjavík er:

1.Dagur B. Eggertsson

2.Steinunn Valdís Óskarsdóttir

3.Stefán Jón Hafstein

4.Björk Vilhjálmsdóttir

5.Oddný Sturludóttir

Vissi það - hann er kelling.

Leikskólavísindi

2006-02-05T20:22:00.000Z

Það var í fréttum áðan að hópi breskra vísindamanna hafi tekist, eftri margra ára rannsóknir, að sýna fram á tengls milli hlýnunar jarðar og bráðnunar íss á suðuskautslandinu. Ég endurtek - hópur breskra vísindamanna, margra ára rannsóknir.

Ég hélt að svona nokkuð væri hægt að komast að niðurstöðu um eftir sirka korters rannsóknir á leikskólastigi... ís bráðnar í hita!

Ekki pro.

2006-01-25T22:16:00.000Z

Íslensku tónlistarverðlaunin voru nú ekki beint sjónvarpinu til sóma svona tæknilega séð. Hljóðvinnslan alveg afleit, sama hvernig á það er litið. Hljóðið sem fylgdi videóklippunum með kynningunum var stundum allt of lágt, kom stundum ekki inn á réttum tíma. Mix á kvartett sigga flosa var mjög athyglisvert - sirka 70% piano og svo smá sax, trommur og bassi. Og allt eftir því - lækkað í mækum þegar var verið að tala eða syngja í þá, en opnir mækar einhverstaðar til hliðar og baksvið þar sem einhver komment láku í útsendingu,

Svo fannst mér fyndið hvað popparar (samkvæmir sjálfum sér) virtust miklu áhugasamari um smá öl og spjall frammi heldur en að hlusta á þessa halelúja samkundu - heiðraði hinn og háttvirtur þetta. Mugison vann, þegar hann fannst hvergi þegar átti að afhenda honum einhver verðlaunin. Grey sveitungi minn, Svanhildur Hólm, stóð eins og kjáni og kallaði á hann. Spilaði sig samt nokkuð vel út úr þessu á endanum -"ég fer og finn hann!"

Bubbi drepfyndinn. Var með sólgleruaugu og alles, tala um að þetta væri árangur 10 ára baráttu við hroka og súperegó. Það vel að merkja örlaði hvergi á hógværð í framsetningu eða fasi.

Ég sakna gömlu tónlistarverðlaunanna. Þegar þetta var svona meiri árshátið - ekkert sjónvarp, heldur dinner á Sögu og músikantar að klappa hvor örðum á bakið. Þetta er einhvernveginn á kafi uppí rassgatinu á sér núna.

ps. 28.01.
Var að frétta að þetta varð víst að svona árshátíðarstemmingu eftir að útsendingu lauk - þá var stormað oní kjallara og haft meira gaman. Og er það vel. Og líka - var að frétta að súperegó er víst þekkt hugtak úr sálfræðinni - og þýðir víst svolítið mikið annað en Bubbi kallinn hélt að það þýddi. Samkvæmt þessu og því sem hann sagði hefur hann verið í því síðustu 10 árin að berja niður samviskuna...og mórölsk viðmið.

pörupiltar

2006-01-24T19:54:00.000Z

Í kastljósi komu fram "pörupiltar" - þe. hjörð af leikkonum að þykjast vera karlmenn. Mikið var það nú skemmtilegt......NEI! Hvílík lágkúra. Þetta var verra en spaugstofan á slæmum degi.

Virðingarleysi.

2006-01-21T18:40:00.000Z

Það fer ógurlega í taugarnar á mér sú árátta íslenskra fjölmiðla að "þýða" nöfn. T.d. í dag var skírður lítill piltur í Danaveldi, sá heitir Christian Valdemar Henri (berist fram á franska vísu) John (berist fram á enska vísu). Þetta er það sem hann heitir - hann heitir Henri og John í höfuð afa sinna, annar franskur og hinn ástralskur. Samt eru allir fréttamiðlar að tala um Kristján Valdimar Henrik Jóhann. Óttalegt virðingaleysi. Hvernig litist ykkur á að útlendingar myndu taka upp þennan óskið og "þýða" okkur? Þannig héti Björk hvað það sem það tré heitir á viðkomandi máli, Ólafur Ragnar... Nothanging Cursing? Þetta er bara dónaskapur og ekkert annað.

Sjáið! - Umburðarlyndið og náungakærleikurinn!

2006-01-20T12:50:00.000Z

http://www.mbl.is/mm/frettir/innlent/frett.html?nid=1180317

Þetta "umburðarlyndi" kirkjunnar manna er nú ekki beint þeirra málstað til vegsauka.

Fjárans blogger.

2006-01-15T20:22:00.000Z

Ég er hundfúll útí þetta bloggersystem. Sko - eins og þið sjáið á síðasta pósti eru nokkrar krumpur í uppsetningu. Það er t.d. spurningarmerki í stað þankastriks á einum stað og á öðrum stað vantar eitt "t" og eitthvað svona smálegt. Ég er svona sirka 15 sinnum búinn að fara inn í "edit posts" gluggann og jújú, ég get breytt - en ekki "publisherað". Þ.e. það bara gerist ekki neitt! Drepfúlt. Mér er skapi næst að finna mér annan stað til að blogga á - .mac t.d. Eða 123.is. Hvorttveggja gjaldskyldar þjónustur, en þær kannski virka ögn betur fyrir vikið. Annars hefur eitthvað af fólki verið að lenda í veseni með router eins og ég er með, speedtouch 585 frá símanum. Það væri nú vægast sagt skrýtin bilun í router samt - að það sé hægt að gera sirka allt nema að leiðrétta! Hrumpf.

Galdrabrennur

2006-01-12T23:53:00.000Z

Það er kominn svolítill galdrabrennufílingur í þetta DV mál allt.

Ég er jafn ósáttur við ritstjórnarstefnuna og ég hef verið og fannst að með fyrirsögninni um "einhenta kennarann" botninum vera náð í blaðamennsku. Og eftirmáli þeirrar birtingar vissulega sorglegur.

En þetta er að breytast í einhverja massahysteríu. Nokkur dæmi:

Samtök auglýsenda voru að mælast til þess við meðlimi sína að þeira auglýstu ekki í DV. Og formaður samtakanna talaði um að fyrirtæki ættu ekki að auglýsa þarna meðan "ritstjórastefnan væri svona hörð". Jepp - ómálga hálfviti. Hver vill að auglýsendur séu að skipta sér af efni fjölmiðla? Er það ekki eitthvað sem er alltaf verið að reyna að forðast? Reyna að halda í hlutlausar fréttastofur og ritstjórnir?

Hjálmar Árnason sakaði ritsjórana um morð á opinberum vetfangi. Já, þingflokksformaður þess flokks sem fer með forsætisráðuneytið sakaði nafngreinda menn, án þess að á undan færi nein rannsókn eða dómur, um morð. Orðrétt skrifar hann "Ég tek undir með þeim sem fullyrða að blaðið hafi drepið mann ? í bókstaflegri merkingu þess orðs". (Þetta er vel að merkja sami maður og fyrir skemmstu var uppvís að því að ljúga því í Kastljósi að félagsmálaráðherra hefði rekið Valgerði jafnréttisstýru fyrrverandi að höfðu samráði við ríkislögmann).

Dómkirkjupresturinn, sr. Hjálmar Árnason, jós svívirðingum yfir ritsjórana - uppfullur af kristilegum mannkærleik. Einhverstaðar rámar mig að standi í þykkum doðranti "dæmið ekki svo þér munið eigi dæmdir verða". Það ákvæði á kannski ekki við dómkirkjupresta.

Þeir Hjálmarar báðir og aðrir þeir sem nú heimta höfuð ritstjóranna á fati (án dóms og laga takk fyrir) ættu að skammast sín.

Það er einn aðili sem á að hafa valdið til að refsa DV fyrir skítlegt eðli og sorablaðamennsku (og reyndar óþolandi að sá aðili hafi ekki gert það fyrir löngu, því að DV er búið að vera slímugt sorprit síðan Mikki Torfa og Illugi Jökulsson bjuggu til þetta skrýmsli úr hræinu af gamla DV). Sá aðili er kaupandi blaðsins. Það eru þeir sem kaupa blaðið útá þessar hasarfyrirsagnir og lepja upp þann óhroða sem þarna er borinn á borð sem eru ábyrgir fyrir því hvað þetta blað hefur lifað lengi.

Gagnvart auglýsendum á stjórnandi fjölmiðils að bera ábyrgð á því að koma auglýsingunum þeirra til sem flestra neytenda - ef fjölmiðilinn stendur sig í því stykkinu kemur þetta auglýsandanum að öðru leiti ekki við.

Gagnvart eigendunum ber stjórnandi fjölmiðils ábyrgð á því að halda rekstrinum þannig að það sé helst smá hagnaður af þessu.

Það er gagnvart lesandanum sem að stjórn fjölmiðils ber ábyrgð á að bjóða skaplegt efni. Og þegar fjölmiðill stendur sig eins og DV hefur gert síðustu árin ætti þetta að öllu eðlilegu að virka þannig að fólk hætti að nenn að lesa þetta rusl, þá hætti auglýsendur að auglýsa - því að auglýsingar þeirra ná ekki lengur til neytenda, svo geri eigendur einhverja ráðstafanir til að breyta í rekstrinum til þess að þetta standi frekar undir sér.
Það er að mínu áliti bara ein rétt aðferð til að bregðast við þessari uppákomu allri - að steinhætta að kaupa DV. Að steinhætta að glugga í DV. Einfaldlega að láta eins og það sé ekki til. Ef við gerum það öll verður það satt innan skamms. Það að taka þátt í þessari undirskriftasöfnun er svo sem gott og gilt - ég gerði það, en haldiði - sýnist ykkur á viðbrögðum ritstjóranna - að þeir séu á leiðinn að breyta um stefnu?

Steinar úr glerhúsi...

2006-01-11T22:39:00.000Z

Þetta finnst mér koma úr hörðustu átt. Pamela Anderson að kvarta yfir ónáttúrulega stórum bringum hjá öðrum dýrategundum!

2006-01-11T13:01:00.000Z

náttúrulegu tónleikarnir.

2006-01-09T22:49:00.000Z

Um helgina fóru fram, eins og flestir vita, miklir tónleikar í laugardalshöll. Mikið af frægu fólki, innlendu sem erlendu. Björk, Damien Rice, Mugison, Damon Albarn, Hjálmar, Nick Cave (sá ég einhversstaðar skrifað) og Egó - svo nokkrir séu nefndir. Allt rafmagns náttúrulega, þó gegn virkjunum væri. En það er ekki það sem ég ætlaði að kommentera á, þó vissulega sé það kómískt að nota allt þetta rafmagn við að mótmæla virkjanagerð, heldur eitt sem kunningi minn sagði velti upp í spjalli í dag.

Hann var altso að spila þarna, með einum af íslensku flytjendunum. Hann hafði reyndar uppi stór orð hvað þetta hefði verið gaman og flott stemming og allt það. En hann, sem aðrir, spilaði þarna frítt (enn eitt dæmið um að músikantar gefi vinnu sína til að styrkja eitthvað) en það gat enginn sagt honum í hvað innkoman færi. Jú, þetta var til að stykja baráttuna gegn kárahnjúkavirkjuninni og almennri nauðgun landsins, en það gat enginn sagt honum hvernig! Hann var ekkert svo til í að vera að borga með sinni vinnu fyrir einhvern auðnuleysingja frá bretlandi eða þýskalandi til að koma í tjaldferðalag til íslands og gera skandal á virkjanasvæðinu t.d. En það gat enginn sagt honum hvert peningarnir renna, hver er fjárhaldsmaður eða fjárvörsluaðili þessa batterís og síðast en ekki síst - hvernig á að nota þetta fé!

Furðulegur andskoti.

Ég hef sagt það hér áður og segi það aftur, ég var og er á móti því að hlunka niður þessu álveri þarna. Mér finnst það bara heimskulegt að setja svona stóran vinnustað niður á svona lítið atvinnusvæði - myndar bara svona "company town" stemmingu. Sem er ekki beint gott ef kompaníið rúllar svo á rassgatið. Af sömu ástæðu finnst mér þessi virkjun bull, hún er óþörf ef ekki væri fyrir þetta heimska álver. En mikið agalega finnst mér vont að vera þannig í flokki með þessum vitleysingum sem hafa sig hvað mest í frammi, þessu skyrslettuhyski og öllu því liði. Hef á þessu megna skömm. Ég var á móti þessu, en þetta var samþykkt af meirihlutanum eftir réttum lýðræðislegum leiðum - og ég bara beygi mig undir það. Annað er barasta frekja. Og frekja er leiðinleg.

Eins og talað úr mínu hjarta!

2006-01-09T22:19:00.000Z

Forystugrein Baggalúts.

Grey Eyfi.

2006-01-09T19:18:00.000Z

Ég skellti þokkalega uppúr yfir sjónvarpsfréttunum áðan. Það var verið að fjalla um einhverja megaveislu KB banka í London - en hvar skemmti m.a. Tom Jones. Að skemmtiatriðum loknum var slegið upp dansleik með íslensku stjörnunum Stefáni Hilmarssyni og Eyvindi Kristinssyni. Eyvindi Kristinssyni - segi og skrifa! Ótrúlegt. Hvað er Eyfi búinn að vera lengi að? Ég man eftir honum fyrst með Bítlavinafélaginu 1985 eða 1986, en þá var hann búinn að vera að spila eitthvað áður í þjóðlagageiranum - með Hálft í hvoru. Nú síðan er hann búinn að gera slatta af sólóplötum, fara fyrir íslands hönd í evróvisjón, vera fastagestur í hinum ýmsu sjónvarpsþáttum og fylla Borgarleikhúsið nokkrum sinnum á tónleikum sem eru haldnir undir hans nafni. Og samt veit þessi fréttamannsauli, Páll hvaðhannnúheitir - maður sem vinnur við það að fylgjast með og vita hvað er í gangi í þjóðfélaginum, samt veit hann ekki að Eyfi heitir Eyjólfur og er Kristjánsson! For helvede. Hann gat þulið upp nöfn á viðskiptamógúlum upp um alla veggi....

Enn millijóla...

2005-12-30T23:36:00.000Z

Þetta var óþægilegt.

Ég er hér staddur enn á Akureyri í extra vænu jólafríi. En ég get nú beint sagt að ég hafi notið frídagsins í dag. Ég var alveg meinilla kvalinn af óverðskulduðu samviskubiti.

Svo er mál með vöxtum að ég á inni slatta af sumarfrídögum síðan síðasta sumar, sem er nú ekki óalgengt, sérstaklega eftir að skólaárið var lengt. Og við erum með aukamann í Tónabúðinni í Reykjavík, sem var okkur að vísu bráðnauðsynlegur fyrir jól, en núna milli jóla og nýs árs var ekki hægt að sjá framá það að það væri neitt með 5 starfsmenn í búðinni að gera. Þannig að það hentaði bæði búðinni og mér prýðilega að ég tæki þessa frídaga núna. En leggjast þá ekki menn (og börn) í veikindi alveg hægri vinstri. Vont.

En það sem gerði þann dag hinsvegar alveg frábæran er að ég fór í heimsókn til ömmu gömlu. Hún er 87 ára og ég bara vona að ég verði í jafn miklu stuði og hún þegar (og ef) ég verð 87 ára. Hún býr til, líkt og ömmum hættir til að gera, heimsins besta súkkulaði með rjóma. Nálgast fullkomnun alveg ískyggilega!

Jú og svo ég fékk ég óvænt og spennandi tilboð. Samver, sem er svona sjónvarpskompaní hérna á Akureyri, er að gera einhverskonar Akureyrskan léttan áramótaþátt - nokkrir viðmælendur, gestir og hljómsveit á milli atriða. Og þá bráðvantaði hljóðmann það mikið að þeir réðu mig í jobbið - alls óreyndan í nákvæmlega svona vinnu. Ekki það að þetta á nú að vera lítið mál - 5-6 talmíkrófónar og ein hljómsveit. Vona bara að það séu sub grúppur eða mute grúppur á mixernum...

Og svo til að botna daginn á prefect máta hringdi bró í mig og sagði mér að koma og horfa með sér á U2 tónleika í sjóvarpinu - þeir eru altso í gagni núna. Bara fínt :)

Fjöldi pósta i bunu.

2005-12-29T13:25:00.000Z

Akureyri 27.10.2005 kl. 16.50

Langur dagur.

Í gærkveldi fórum við félagarnir, ég og Magni, á ball í boði Trausta bró - en hljómsveitin hans var að spila á Vélsmiðjunni, skemmtistað hér í bæ. Það var býsna fínt. Við Magni að vísu helteknir af gestunarþörf eftir smá bjór, en það var ekkert vandamál - við fengum að gesta alveg fullt. Ég sýnu meira - þar sem Magni hafði öðrum hnöppum að hneppa. Förum ekki meira útí það á opinberum vettfangi. Þetta er jú opinbert veffang!

En allavega - það var eitthvað drukkið af bjór, þó fjarri því nóg til að réttlæta þessa ógnarþynnku sem ég hef eytt deginum í. Það var alveg gubbipakkinn í morgun og allt. Skreið ekki framúr fyrr en hálf þrjú eða eitthvað. Tómt rugl. Það er svo gaman að eyða deginum svona... En þetta lítur allt betur út, er að fara í matarboð til Trausta og Barböru - það verður stuð. Brói minn er nebblilega meistarakokkur og matalystin mín öll að koma til

Nánari skýrsla síðar.

Síðar:

Veislan stóð vel undir væntingum. Hamborgarhryggur með hefðbundnu meðlæti, auk salats sem samanstóð af smá ávöxtum og svo súkkulaði og rjóma. Það er alveg málið. Að loknum snæðingi var svo sest að skemmtilegu spjalli hvar margt bar á góma - allt frá fasteignaverði í Rúmeníu til eldriborgarahljómsveitarinnar Vinabandsins. Svo í lokin var Sony Playstation2 dregin fram og skellt í 2 umferðir af Buzz - sem ég að sjálfsögðu vann með bravúr. Leit þó um tíma illa út með umferð 2. En þessu gizmo við PS2, Buzz, Eyetoy og Singstar gírinn, eru farinn að láta mig langa svolítið í svona tölvu. Eins og ég hafði nákvæmlega ekki minnsta áhuga fyrir skemmstu. Því heilt yfir og hingað til hafa mér leiðst tölvuleikir alveg heil ósköp. Man eftir 2 undantekningum sem ég hef eitthvað eirt mér yfir - Galaxy og PacMan. Jú - pinball leikurinn sem er partur af Windows. Og soltaire - þarna kapallinn sem er líka staðalbúnaður með Windows. Sá eini sem ég hef rekist á hér í Makkanum er skák. Hef tekið alls eina á 3 mánuðum. Hef svona í heildina verið á því að það sé margt betra hægt að gera við bæði tímann og tölvuna en að fara í tölvuleik.

Svo er ég mikið að spá núna. Ég á pantað flug suður 29. - en er boðinn í party hér á gamlárs og far suður á nýársdag - og á fullt af sumarfrísdögum inni. Get bara ekki ákveðið mig hvoru megin ég á að taka á mót nýju ári. Það er ögn fyrir ofan að fljúga suður 29. En margt við hitt planið sem freistar. Hugsi hugs...

Best að sofa á þessu - góða nótt.

28.12

Bú'nað sofa.

Fer suður 1. Jan. - beint í vörutalninguna.

29.12

Jamms. Þá hefst svona almennilegt eftirjólahangs. Þá hefur maður tíma til að kíkja í búðir kannski og í heimsóknir til einhverra annara en nánustu fjölskyldu. Ég hef ekki stoppað svona lengi yfir jól í ..... 12-15 ár örugglega.

En það eru líka breytingar í loftinu - foreldrarnir að gæla við að fara að eyða vetrunum í hlýrra loftslagi, sem mér finnst snilldarhugmynd. En hefur jú þá hliðarverkun að ég fer jú þá ekki lengur heim til mömmu og pabba yfir jól. Sem er nú kannski orðið tímabært - því næstu jól verð ég jú orðinn fertugur ;) Jafnvel svona í eldri kantinum til að fara alltaf heim til mömmu. En þetta er bara svo frábært!

Nýtt ár leggst vel í mig.

Í fyrsta lagi er ég kominn í spennandi hljómsveit, Santiago, og næsta víst að við leggjumst í upptökur á árinu, myndi segja plata fyrir jól. Þeirra þriðja - en um leið alveg ný byrjun. Síðan síðasta plata frá Santiago kom út hafa orðið miklar sviptingar í bandinu - það eru bara tveir meðlimir eftir síðan þá. Eiginlega komið nýtt band. En það er sami aðallagahöfundur og svipuð stefna. Ef allar þessar mannabreytingar hefðu orðið á einu bretti, þá hefði verið rétt og eðlilegt að skipta um nafn, en þar sem meðlimir stimpuðu sig út einn af öðrum þá er þetta meiri samfella en virðist við fyrstu sýn.

Í öðru lagi mun Tónabúðin keyra inní fyrsta heila árið á nýjum stað. Við áttum þarna fínt start - mun betra en ég átti von á. Eina vesenið er að þörf okkar fyrir lagerrými hefur heldur aukist - ef einhver þarna lumar á 100-150 fermetrum sem hann er ekki að nota, endilega senda línu.

Í þriðja og síðasta lagi, þá er ég bara almennt í svo góðum fíling og bjartsýnn á næsta ár. Verður örugglega frábært!

Ég ætla að fara að reyna að ná mér niður aftur, bæbæ.

Jólajólajóla

2005-12-26T14:24:00.000Z

Akureyri kl. 16.20 þann 24.12 2005

Ó, hvílík skelfing!!

Er hér kominn í foreldrahús, með fínu fartölvuna mina og kemst ekki á netið! Vissi af því að fyrir skemmstu var hér í grenndinni opið þráðlaust kerfi sem maður gat stolist inná - en skynsemin hefur þar tekið völdin, það er búið að skella í lás. Ég veit að það er ljótt að stela, jafnvel þó það sé ekki nema að stela sér netsambandi uppá póst og msn og svona - en ég er bara fjárinn hafi það orðinn háður þessu. Þið sjáið það, ég er búinn að vera hérna núna í 2 tíma rúma og er farinn að blogga inní word til að birta þegar ég kemst í samband. Það að setja tölvuna bara oní tösku og gera eitthvað annað... Var einhvernveginn ekki uppá borðin sem valkostur. Og ég á eftir að vera hér í 4 daga - ég verð annað hvort kominn yfir fíknina eða orðinn kolgeggjaður af netskorti.

En samt - veit af fenginni reynslu að það á ekki eftir að væsa um mig hér, þarf ekki að gera rassgat, nema helst að halda aftur af mömmu við að troða í mig kræsingum ;) Sérstakar þessar mömmur. Útum annað munnvikið kemur "eitthvað hefurðu nú verið að bæta á þig" , en útum hitt "ætlarðu virkilega ekki að fá þér meira af {insert name of delicious and fattening food}" og gefið í skyn að það sé nú bara sárlega meiðandi fyrir kokkinn ef þetta verður ekki klárað. Vandlifaði í henni veröld.

Ótrúlegt eitt. Ég hef komið hér fljúgandi norður í hádeginu á aðfangadag mörg síðustu ár, svona eins og flest síðan ég byrjaði að starfa við verslunarstörf - sem var um 1992. Ekki í eitt einasta skiptið hef ég orðið veðurtepptur eða orðið fyrir töfum. Mér finnst þetta alveg ótrúlegt - hundaheppni. Ég er meira að segja hættur að nenna, eins og ég gerði framan af, að kaupa mér eitthvað gúmmilaði og raða í kæli og frysti heima "just in case". Nenni ekki einu sinni að skúra fyrir jólin, sem er reyndar eitthvað sem ætti ekki að koma þeim sem þekkja mig mjög á óvart. Ég fæ ríflega fulla útrás fyrir skúringaþörf mina (sem er reyndar ekki mjög sterk) í búðinni.

En ég ætla að láta hér við sitja að sinni, ætla að hoppa í bað og gera fínu fötin klár.

Gleðileg Jól - enn og aftur.

25.12 kl. 20.05

Hóhóhó.

Jólin gengin í garð, pakkarnir uppteknir, þökkum komið til skila og búið að raða í sig kræsingum útí eitt. Þetta er lífið. Að vísu yrði maður ekki mjög gamall ef lífið vræi svona útí eitt - maður væri dauður eftir mánuð, 650 kg. Þyrfti stórvirkar vinnuvélar til að koma manni í gröfina og allthvaðeina. En mikið er þetta fínt í svona sólarhring.

Svo hefjast sósialeringar á morgun - kíkja í heimsóknir til bróa, ömmu, systra og vina hér í bæ. Svona eins og tími vinnst til. Maður verður jú að forgangsraða í þessu eins og öðru. Síðan er ball annað kvöld með bróa og co í hinni ágætu hljómsveit Sérsveitinni - sem ég leysti af með sællrar minningar í haust. Kannski maður kíki.

Jæja - það bíður mín súkkulaði og bók. See ya!

26.12 kl. 13.40

Er á leiðinni í heimsókn til Trausta bró og "fífan (með dönskumn hreim)" hvað það verður gott að komast í samband við netið. Tékka á póstinum og svona. Þegar maður er vanur að vakta þetta nokkuð vandlega, kíkja á póstinn svona kannski 4-5 sinnum á dag " þá bara fær maður svolítil fráhvarfseinkenni þegar maður getur ekki tékkað neitt í nokkra daga. Kvöl og pína bara. En núna ætla ég að slökkva og vista - henda tölvunni oní tösku og rölta í heimsókn til Trausta, með það að yfirvarpi að maður sé að "sósíalæsera". Jújú - ég er að sjálfsögðu að bulla. Fyrst og fremst er þetta sólsial og þörf fyrir að skipta um umhverfi áður en ég rotna hér inni, en maður lifandi hvað ég hlakka til að tengjast!

Aaaaðeins meira...

2005-12-23T00:22:00.000Z

Ég rakst á nokkra fína "von lænera" - og nokkra helv. slæma. Sleppti þeim verstu, en hér eru nokkrir af þeim betri:

Two antennas met on a roof, fell in love and got married. The ceremony wasn't much, but the reception was excellent.

A man walks into a bar with a slab of asphalt under his arm and says: "A beer please, and one for the road."

A dyslexic man walks into a bra.

Two cannibals are eating a clown. One says to the other: "Does this taste funny to you?"

"Doc, I can't stop singing 'The Green, Green Grass of Home.'"
"That sounds like Tom Jones Syndrome."
"Is it common?"
"Well, It's Not Unusual." (OK - gamall og lúinn, en bara....)

I went to buy some camouflage trousers the other day but I couldn't find any.

Og svo einn með smá jólafíling:

A group of chess enthusiasts checked into a hotel and were standing in the lobby discussing their recent tournament victories. After about an hour, the manager came out of the office and asked them to disperse. "But why," they asked, as they moved off. "Because", he said, "I can't stand chess-nuts boasting in an open foyer."

Gleðileg jól!

2005-12-22T23:58:00.000Z

Ég er búinn að vera á útopnu í búðinni uppá síðkastið - alveg nóg að gera svona fyrir jólin... En varð samt að gefa mér smá tíma til að jóla út bloggið og skilja eftir kveðju handa þeim fáu traustu lesendum sem kíkja hér enn, þrátt fyrir óttalega fá blogg síðustu vikurnar.
Megiði bara öllsömul eiga með endemum hugguleg jól - á hvaða forsendum sem þið haldið þau. Kristnir fagna sínum frelsara, flestir aðrir fagna því að það fer að birta aftur og maður fær nokkurra daga frí - tíma til að eyða með þeim sem manni þykir vænt um.

Lifið heil og megi komandi ár vera ykkur gjöfult.

Ok - svo það er ekki Blogger, heldur firefox!

2005-12-13T21:53:00.000Z

Heitasta helvíti! Enn klikkaði það að birta færslu hérna rétt áðan, þangað til ég prófaði að fara í annan vafra. Var að nota firefox, sem ég kann að flestu leyti prýðilega við, en hann og Blogger eru semsé ekki vinir. Þarf að gá hvort að það sé komin uppfærsla - þarf að fara í smá tilraunir. En fyrst, þá ætla ég að peista hérna inn pistlinum sem ég gat aldrei póstað. Vesgú!

Skrifað 22.11.

Ég sá einhvern part af popppunkti á sunnudaginn - millar og vinill. Eitt sem stakk mig, það var spurt um þann sem vann trúbardorkeppni Rásar2 og bæði lið nefndu sigurvegara keppninnar í fyrra - minnir að hann heiti Helgi. En for helvede - hann Svavar Knútur, sem vann núna í ár, er eitthvað það mest spennandi sem ég hef rekist á nýtt í músik í fleiri ár! Hlustiði bara á þetta. Illu heilli hef ég spurnir af því útgáfudegi væntanlegrar plötu Hrauns!, sem er hljómsveitin sem Svavar Knútur er í, hafi verið frestað þangað til eftir áramót. En það verður bara að hafa það, ég bíð bara í röð þá til að kaupa hann.

En svo góðu fréttirnar. Þeir sem eru að leita að góðri íslenskri tónlist þurfa samt ekki að leggjast í dvala þangað til þá, því að félagi Orri Harðarson sendi frá sér sína fjórðu og langbestu plötu núna fyrir skemmstu. Þessi plata, Trú, er eins og fyrri plötur Orra full af fínni músik, en það sem hún hefur framyfir allar hinar er gleðin og ástin sem bókstaflega skin af henni. Þetta er ekki stuðplata, engan veginn, en plata sem er gott að skella á fóninn til að slappa af og bara njóta. Ég er náttúrulega engan veginn hlutlaus, Orri er vinur minn og þess utan kem ég lítillega við sögu á þessari plötu - ég og Magni félagi minn sungum helling af röddum sem ég sendi Orra í pósti og slatti af þeim endaði á plötunni. En þó að ég komi lítillega við sögu á þessari plötu þá er ég, að ég held, enn þokkalega dómbær. Það hafa líka komið út plötur þar sem ég hef komið mun meira við sögu og mér finnast hreint ekkert góðar. Trúiði mér - þessi er fín.

Orri semur góð lög og textarnir eru, svo vítt sem ég hef vit á því, fínir - þrátt fyrir að vera á köflum jafnvel full holdlegir fyrir minn smekk. Það er reyndar alla jafnan falið í nokkuð augljósum orðaleikjum eins og hinn óborganlegi frasi ?sigli inní þína Helguvík?. Það má alveg syngja þetta fyrir 5 ára börn, það er ekki fyrr en um 15 sem þau fara að roðna við þetta ;) Orri vann þessa plötu sjálfur í studíói sem hann rekur í félagi við Kristján Edelstein norður á Akureyri, útsetti, tók upp, hljóðblandaði og masteraði. Einn minna uppáhaldsbassaleikara, Pálmi Gunnarsson spilar á bassa, nema eitt eða tvö lög sem Robbi Þórhalls rúllaði inn og Robbi er nú ekki beint slæmur spilari. Halli Gulli, sem var með mér í fyrstu hljómsveitinni sem ég var í, spilar á trommur, Agnar Már Magnússon á piano og Rhodes, Kristján Edelstein á gítara og Orri á gítara, píanó og söng. Síðan eru þarna ýmsir fleiri sem koma við sögu, Marc Breitfelder, munnhörpuleikarinn í Grinders (gamla bandinu hans KK) á stórleik, KK syngur með í einu lagi, leikkonan Arnbjörg Hlif Valsdóttir syngur þarna á móti Orra í einhverjum lögum - hellingur í gangi.

Þetta er ekki gallalaus plata, ég hef ekki ennþá heyrt svoleiðis, en fjári fín. Allir að kaupa eina! Nema ég - ég fékk frítt eintak fyrir að syngja með : )

Þverrandi fýla

2005-12-13T21:51:00.000Z

Fýla mín útí Blogger fyrir að neita að birta fleiri daga í röð ógnarmikinn og fallegan pistil minn er í rénum. En það er bara ein af ástæðunum fyrir því að það er svona langt síðan ég reit hér eitthvað síðast. Ég er bara búinn að vera fáránlega bissí.

Sko, svo er mál með vexti að undir lok síðasta mánaðar - þegar kórinn sem ég er í, Borgarkórinn, var að leggja í lokahnykkinn í æfingatörn fyrir jólasöngskemmtun - þá bauðst mér tvennt skemmtilegt á tónlistarsviðinu. Í fyrsta lagi bauðst mér að syngja með litlum fyrirvara eitt stk. jólatónleika með öðrum kór. Og það var bara of mikil freisting að prufa hvort ég gæti komist skammlítið í gegnum eina tónleika með þetta skömmum fyrirvara til að ég gæti mögulega sleppt því. Þrjár æfingar og svo konsert. Og það bara tókst skaplega! Daginn eftir að ég segði OK við því þá bauðst mér staða í hljómsveit sem ég hafði lengi verið svolítið "svag" fyrir - Santiago. Fyrir þá sem ekki þekkja spilar Santiago aðallega tiltölulega afslappaða vandaða popptónlist. Það sem gerði þetta svolítið snúið var að það var talað við mig á þriðjudegi - tónleikar á fimmtudegi í vikunni á eftir. Og uþb. allt prógramið frumsamið. Þannig að síðustu vikur hafa farið í alveg ógurlegan helling af æfingum, ýmist einn hér heima eða með hljómsveit eða kór. Mikið mikið stuð, en fjárans púl.

Nú er þetta allt af - og þá er ég dottinn á bólakaf í jólabrjálæðið í búðinni. Alveg nóg að gera þar. Nógu mikið til að ég sá mig tilneyddan til að neita þegar vinur minn Orri Harðarson leitaði til mín með að hjálpa honum með að fylgja eftir hinn bráðgóðu nýju plötu hans, trú. Það þótti mér leiðinlegt, því það er jú fátt skemmtilegra en að spila góða tónlist.

Enhvað það varðar er ég annars á góðu róli með Santiago. Alveg hreint ógurlega kátur með að vera kominn þar inn.

Jæja, læt þetta duga í bili. Svona sérstaklega þar sem ég er ekker allt af trúaður á það að þetta vítissystem, blogger, sjá ástæðu til að þessi færsla geri neitt annað en að hverfa.

Bæbæ.
Jón.

ég er bara að prufa...

2005-11-22T18:57:00.000Z

Blogger hefur verið mér óþægur uppá síðkastið. Ég hef ekki getað sent neitt inn. Þannig að í stað þess að skrifa langar og frábærar færslur sem eyðast við mislukkaðar tilraunir til innsendingar sendi ég nú þessa prufu. Prufi pruf - einn, tzveir. Erettekkílæ?

i framhaldi af DNA heilunarfærslunni

2005-11-12T21:30:00.000Z

þá rakst ég á þetta á vef dr. gunna - og þótti nógu fyndið til að stela því.

Maðurinn er snillingur - þe. þessi vísindamaður. Dr. Gunni svosem fínn líka. Hefði samt ekki átt að selja Voxinn sinn...

DNA heilun og annað bull.

2005-11-10T19:42:00.000Z

Það er konubjáni í sjónvarpinu mínu sem segir að hún spjalli við "stofnfrumuna sína" til að láta sér líða vel og vernda sig fyrir sjúkdómum. Það er einhver læknir á móti henni að reyna að fá hana til að útskýra hvern þremilinn hún er að meina - og hún fer svona þokkalega undan í flæmingi. Þegar hann vill fá að vita hvaða stofnfrumu hún sé að spjalla við og hvað hún hafi fyrir sér í því að hún sé að breyta genasemsetningu þá segir hún að þetta sé ekkert svona alvarlegt. Ekkert svona alvarlegt!! Hún er að reyna að fá fólk til að trúa því að hún getir læknað mann úr fjarska, getur ekki sagt til um hvað það er sem er þá nákæmlega að gerast - en þetta er ekkert svo alvarlegt!! Fíbl!!

Ef það er eitthvað sem ég virkilega ekki þoli, þá er það þegar verið er að reyna að hafa auðtrúa sálir að fíflum og, eins og í þessu tilfelli, hafa af þeim fé. Því þessi frauka er jú "heilari" - ekki það að hún heili neitt (eða eigin sögn), heldur nær hún tengslum við alheimskraftinn og kemur manni tengsl við hann.... En hún rukkar fyrir sína "þjónustu"...

Æji...

Sko. Ef svo ólíklega vildi til að allir helstu líffræðingar og læknar heimsins hafi rangt fyrir sér og það sé hægt að hafa stjórn á starfsemi líkamans, alveg niðurí að endurraða genum, með þessari tækni - er þá ekki alveg lágmarkskrafa að þeir sem eru að vesenast í þessu hafi einhvern grun um hvað þeir eru að gera? Þessi td. spjallar við "stofnfrumuna" sína. Ath. eintölu. Það eru þúsundir af þeim. Ef ekki hundruðir þúsunda.

Arrrrrggg!! Ég ætla ekki einu sinni að hugsa meira um þetta - verð alveg arfafúll af því að horfa uppá svona fíflaskap.

Heheheheh....

2005-11-09T22:28:00.000Z

http://porktornado.diaryland.com/albumcover.html

Vei!

2005-10-26T15:08:00.000Z

Ég er að sálast úr leiðindum! Það er afskaplega fátt sem mér finnst leiðinlegra en að liggja í einhverjum umgangspestum, enda sleppi ég þvi yfirleitt - verið heppinn með það. En nú er dagur 2 (og skal sko vera sá síðasti í bili) af heimaliggjandi sjálfsvorkunn og snýtingum. Svo er þetta einhvernveginn þannig að þá loksins þegar maður eyðir tíma heima hjá sér er maður ekki í formi, skapi, né almennu stuði til að gera neitt af því sem þar þyrfti að gera. Skúra? GEISP!

Best að leggja sig smá.

Í tilefni kvennafrídags.

2005-10-24T21:34:00.000Z

Ég raks á svolítið skemmtilega pælingu hjá Svavari Knút (http://simnet.is/muzak) og tengil á bráðskemmtilega grein Más Örylgssonar (http://anomy.net/mar/entry/2005/10/17/08.31.49/). Þar er verið að spá í eðli karlmennskunnar og staðalímynda um hana og áhrif á launamun.

Það er náttúrulega þannig hjá okkur flestum að okkur finnst svolítið að karlinn í sambandi eigi að vera "skaffarinn", en það hlýtur að vera lykill að launamuninum. Þegar, eins og oft er, báðir aðilar í sambandi eru fastir í þessari klisju þá segir það sig sjálft að þeim finnst að karlinn eigi að hafa meiri laun. Ef þau eiga fyrirtæki eru þau líklegri til að greiða sínum karlkyns starsmönnum betra kaup en kvenkyns - ekki endilega til að mismuna þeim meðvitað, heldur útaf því að þessi hugsanavilla er til staðar - að karlinn sé jú að framfleyta fjölskyldu og þurfi því meira.

Í samfélagi dagsins í dag, þegar meirihluti sambanda/hjónabanda leysist upp og fjöskyldumynstrið er orðið allt örðuvísi en það hefur verið síðustu árhundruðin - mikið af fjöslkyldum með einungis eitt foreldri, þá segir það sig sjálft að við þurfum og verðum að leysa karlinn undan þessari skyldu, að vera "skaffarinn". Eitt skref af mörgum sem við þurfum að taka á leið okkar til jafnréttis.

Semsé, konur - steinhættið hið snarasta að líta á það sem kost við karl ef hann þénar vel. Karl sem þénar vel bara hækkar meðallaun karla og þar með lækkar laun kvenna í hlutfalli við laun karla! Hann er semsé óvinurinn!!

Ahh...

2005-10-22T16:45:00.000Z

Enn ein vinnuvika að baki. Sit hér og hlusta á kántrý og svokallaða americana tónlist á vefútvarpi í gegnum iTunes. Hin bráðhressa stöð BootLiquor. Mér fannst nú bluegrasscountry.org, sem ég var að hlusta á áðan enn hressari, en hún bara hætti í miðjum klíðum. Allavega - kassagítarar og "melakólía"(það er til íslenskt orð yfir þetta, ég bar man það ekki) eru alveg málið fyrir mig núna.

Kíkti aðeins út í gær, tveir vinir sem maður ekki hittir hvunndags staddir í bænum - annar frá Húsavík og hinn frá Washington DC. Hittumst á Café Rosenberg og hlustuðum á eðalmúsik. Fyrst heyrðum við í Santiago, sem einn úr vinahópnum er að spila með og síðan í Hraun!, með hinn mæta erkisnilling Svavar Knút Kristinsson í broddi fylkingar. Svavar Knútur vann um daginn keppnina um besta trúbadorinn á Íslandi og Hraun! vann um síðustu helgi einhverskonar forkeppni að forkeppninni vegna evróvisjón á næsta ári. Og það kemur mér ekkert á óvart. Höfðu áður unnið hug minn og hjarta. Fyrirtaks lagasmíðar, fínir textar, afburða söngur og túlkun og bara almenn frábærheit. Væntanleg á næstunni plata með Hraun! - og mikið rosalega ætla ég að kaupa hana.

Sama prógram aftur í kvöld - sömu bönd, sami staður, sömu vinirnir, en ekki vinna á morgun = meiri bjór. Og bara kannski smá Apfelschnaps. Epli eru holl.

Latur dagur.

2005-10-16T14:28:00.000Z

Opnunarhátíð Tónabúðarinnar í Skipholti 21 var í gær laugardag. Og setur það væntanlega punkt, eða í það minnsta kommu, á eftir þessum überstressaða kafla. En þetta var nú bara býsna frábært, þó segi ég sjálfur frá.

Við altso stilltum upp litlu sviði og hljóðkerfi og græjum og fengum síðan slatta af hljómsveitum og tónlistarmönnum í heimsókn til okkar. Hafi þau öll mínar bestu þakkir! Fabúla, Santiago, Buff og Hallir Reynis. Þetta var bara alveg hreint frábært. Smá misskilningur varð til þess að einn af þeim sem ég hlakkaði hvað mest til að heyra í, Svavar Knútur, mætti um það leyti sem við vorum að skella í lás. En við bara buðum honum uppá snittur, kóla og kjaftatörn í staðinn. Það var fínt. Talandi um snittur! Ef þið lendið í þeirri aðstöðu að vanta léttar veitingar fyrir einhverskonar mannfagnað, tékkiði á Ostabúðinni Skólavörðustíg. Frábærar snittur og dót sem við fengum frá þeim. Og hreint ekki jafn dýrt og maður myndi halda.

En í dag er altso latur dagur hjá mér. Það er orðið svo langt síðan ég slappaði ærlega af, að ég bara ætla að gera nákvæmlega ekki rassgat í dag. Og skammast mín ekki hið minnsta. Er að vísu búinn að þurfa að bremsa mig af nokkrum sinnum til að fara ekki niðrí búð að annað hvort skúra eða skrúfa skúffurnar undir skrifborðið mitt, en fuck it - það hefði trúlega verulega neikvæð áhrif á tilfinningar mínar gagnvart búðinni ef ég ekki reyni að eiga mér líf utan hennar - gefa mér algjört frí frá henni annað slagið. Eins og minnst er á í síðasta pósti; farið að langa í frí.

J

Þið megið kalla mig hr. formann

2005-10-13T21:25:00.000Z

Halló.

Langt síðan síðast. Búinn að vera ögn bissí, eða þannig. Tónabúðin var, eða er, að flytja. Frá Rauðarárstíg uppí Skipholt. Ok - það er ekki langt og maður skyldi halda að þetta væri kannski ekki stórmál, en for helvede... stórt rót! Síðustu vikur hafa verið uppfullar af snúningum varðandi þetta og ári mörg kvöld farið í að vesenast í kringum þessa snúninga. Við erum búnir að opna uppí skipholti, en eigum enn eftir að tæma geymslur og skila af okkur á Rauðarárstígnum - ætli helgin fari ekki í það. Einn daginn fæ ég samt kannski frí eins og einn dag eða svo... En eitt er á tæru - þegar þessir hlutningar eru um garð gengnir og Stebbi stuð mætir aftur til vinnu í lok nóvember, þá hef ég hug á að taka nokkra daga frí. Chilla. Fara kannski í stutta utanferð. Tónleikaskrepp eitthvað kannski. Eða bara svona gamaldags halló jólagjafainnkaupaferð til Dublin eða Glasgow eða eitthvað. Eða bara eyða nokkrum dögum í bústað - finni maður einhvern við hæfi til að eyða þeim með. Allavega - mig hlakkar til þess frís, hvenær og hvernig sem það verður.

En annars af nýrri verslun Tónabúðarinnar - mikið fjári tókst þetta vel. Eins og þetta leit illa út um tíma. Vorum þarna með smið sem var svona kannski fullmikið að taka þetta á smiðsauganu, sem var ekki alveg að gera sig. Og svo bara er erfitt að fá iðnaðarmenn um þessar mundir - og þeir sem fást eru sjaldnast á neinu tombóluverði. En búðin er bara glæsileg. Það sem kemur samt verulega á óvart er að þrátt fyrir að búðin sé sirka 70% stærri og lagerinn um 85-90% stærri, þá mætti plássið alveg vera aðeins meira. Hvað ætli ég þurfi mikið flæmi til að finnast þetta mátulegt? Tómt bull náttúrulega - þetta er frábært svona!! Og ég fékk skrifstofu - með tvíbreiðu skrifborði. Það er löng og merkileg saga bak við það. Ég altso keypti það fyrir 2-3 árum og síðan hefur það legið undir skemmdum á yfirfullum lagernum á Rauðarárstígnum, því það var ALLT of stórt til að komast fyrir á því skoti sem var þar notað sem skrifstofa... trúlega stærra en skotið...

En lífið er gott. :)

Og vel að merkja - varðandi titilinn, þá var ég á þriðjudaginn kjörinn formaður Borgarkórsins með rússneskri kosningu, með lófataki frekar en beinlínis atkvæðisgreiðslu. Now I'm finally someone.

Mánudagur....

2005-09-26T21:27:00.000Z

Aldrei verið einn af mínum uppáhaldsdögum. En þessi var eitthvað alveg sérstaklega vonlaus. Ég var á fullu allan daginn og finnst ekkert liggja eftir. Non stop stress, enginn árangur. Stuð.

En svo maður komi aðeins að dægurmálunum. Baugsdæmið. Ég trúi tvennu í þessu; að hópur manna í kringum Dabba kóng hafi verið mjög virkur í að ýta þessari herferð ríkislögreglustjóra gegn Baugi af stað - og að Baugur sé að nota áhrif sín sem eigiandi fjölmiðla og tölvupósta sem þeir hafa komið höndum yfir eftir kolólöglegum leiðum til að koma höggi á Davíð, ríkislögreglustjóraembættið, Jón Steinar, Jónínu, Jón Gerard og aðra þá sem þeim er illa við. Hvort er ósiðlegra og almennt ógeðfelldara? Beats me.
En ljóst er að Baugur er ekki að gera Og Vodafone neinn greiða með þessu - þrátt fyrir að mér finnist vægast sagt ólíklegt að póstarnir hafi farið þarna út með vitund og vilja þeirra sem þar ráða. Veit ekki hvar annar staðar hefði verið hægt að ná í þá - nema Jónína sé, eins og svo margir aðrir með illa varið þráðlaust net heima hjá sér, mér skilst að það sé ekki flókið mál fyrir vana menn að komast þangað sem þeir vilja og ná í það sem þeir vilja ef þeir komast inná slík kerfi. Með nóg af peningum er ekkert mál að kaupa slíka þjónustu.

hvaða hvaða... klukkaður alveg eins og vindurinn!

2005-09-20T22:57:00.000Z

Merkileg þessi nýjasta tíska í bloggheimum, þetta klukk. Ég hef nú ítrekað verið klukkaður og sé mig því knúinn til að skella einhverjum 5 staðreyndum um mig hérna inn.

1. Ég er Dalvíkingur, fæddur á fjórðungssjúkrahúsinu á Akureyri. Æskuheimili mitt er leikskóli í dag.
2. Áður en ég fann mig á bassanum var ég búinn að spila/fikta við eftirtalin hljóðfæri í mislangan tíma og með misgóðum árangri: blokkflautu, píanó, tenórhorn, gítar og harmonikku. Í seinni tíð hafa svo fleiri hljóðfæri verið að höfða sterkt til mín; mandólín, ukulele, dobro, kontrafagott og túba.
3. Ég á kontrabassa, hef spilað á hann nokkuð víða opinberlega - meðal annars á undan Sinfóníuhljómsveit Íslands í Háskólabíói og á undan Sting í Laugardalshöll - en líður svolítið eins og svindara með það, því ég kann ekkert á þetta hljóðfæri! Fullkomlega hundvondur kontrabassaleikari.
4. Ég er 39 ára gamall og hef mörg síðustu ár farið 1-3 ferðir utan á ári, en ég hef einungis einu sinni borgað sjálfur undir rassgatið á mér út! Hef þó farið nokkuð víða - 5 sinnum til USA, 3svar til Bretlands, 3svar til Danmerkur, 2 sinnum til Þýskalands, 2 sinnum til Luxembourgar, til Frakklands, Spánar, Noregs, Ítalíu, Austurríkis, Júgóslavíu (hún var ennþá til þá) og til Færeyja.
5. Ég á Happdrætti Háskólans það að þakka að ég er bassaleikari. Ég vann, 14 ára gamall, smávinning á miða sem ég hafði nýskeð keypt og keypti mér bassa fyrir þann pening. Vel að merkja, ég hefði keypt dýrari bassa ef ekki hefði verið fyrir þá kjánalegu reglu HHÍ að draga af vinningshöfum peninga til að endurnýja miðann út árið - ég vann þennan vinning mjög snemma árs. Ég hef nokkuð ríka réttlætiskennd og kann alls ekki við það þegar er verið að reyna að ráðskast með mig - endurnýjaði miðann ekki að loknu þessu ári og hef aldrei síðan keypt miða af HHÍ. Væri trúlega áskrifandi enn ef ég hefði ekki verið neyddur til að endurnýja.
Svipað uppá teningnum með mig og stéttarfélag okkar tónlistarmanna (eða öllu heldur hagsmunafélag - því sjálfstætt starfandi verktakar mega ekki og eiga ekki að vera í stéttarfélagi, sjá þær greinar samkeppnislaga sem fjalla um ólöglegt verðsamráð). Þegar ég flutti til Reykjavíkur haustið 1998 var ég ekki í FÍH þeirri ofureinföldu ástæðu að þeir höfðu enga vikt úta landi. Maður varð þeirra í engu var. En stuttu eftir að ég kom í bæinn var ég ráðinn til afleysinga í hljómsveit sem spilaði á því sem þá hét Hótel Ísland, nú Broadway. Þegar ég var búinn að vera að spila þarna í mánuð var mér sagt að staðurinn væri undir einhverri smásjá hjá FÍH og ég gæti ekki fengið launin mín greidd nema að ganga í FÍH og greiða þar árgjald. Ég gerði það, tilneyddur og lítt kátur og hef haft horn í síðu FÍH æ síðan. Er ekki í félaginu í dag og sé litla ástæðu til.

Á þessum siðustu liðum má sjá að ég er svolítið langrækinn á köflum.

Þá er þessu klukki lokið og ég klukka Stebba Stuð, DonPedro, Evu, Katrínu og Gunnellu.

Á heimleið.

2005-09-19T20:39:00.000Z

Yfir Norður-Altanshafi.

Jú, þegar þetta er skrifað í 36.000 feta hæð er ég á heimleið eftir hressandi ferð til Barcelona og London. Barcelona var mest vinna, svona sirka eingöngu, en samt fjári hreint skemmtilegt. Stíf keyrsla, upp kl. 7 og komið heim úr kvöldmat svona um half tólf. En þessi klukkutími eða einn og hálfur sem við tókum við ströndina þegar við tókum hádegishlé fyrri daginn var alveg toppurinn á þeim parti ferðarinnar. London var hins vegar bara hvíld og einn konsert, sem eins og lesa má hér á fyrri færslu var næstum því dottinn uppfyrir ? sem hefði verið bömmer, en þó ekki næstum því jafn mikill bömmer og það hefði verið fyrir Stebba stuð og frú, sem flugu utan gagngert til að fara á þessa tónleika. Ég bara stoppaði þarna útafþví að ég átti leið hjá.

En nú tekur við mikil törn, Tónabúðin er að fara að flytja og það eru nokkur handtökin sem á eftir að taka áður en það verður að raunveruleika. En það er bara hressandi viðfengsefni og svo fæ ég líka þessu fínu búð til að stýra þegar því verður lokið, með skrifstofu og ég veit ekki hvað?

Flyt nánari fréttir síðar.

Þar skall nu hurð nærri hælum!

2005-09-18T23:58:00.000Z

Ég er enn í London, því í kvöld var á dagskrá atburðurinn sem ég stoppaði í London útaf. Og sem Stebbi stuð og frú stuð, hún María, komu gagngert til London útaf - tónleikar með Alison Krauss & Union Station. Við hittumst fyrir utan tónleikastaðinn korteri áður en átti að byrja að hleypa inní húsið, vildum vera snemma í því þar sem þau áttu eftir að koma við í miðasölunni og pikka upp miðana sína. Ég var reyndar mættur aðeins á undan þeim og rölti um hverfið í leit að ÖLdurhúsi, þar sem að mér sótti þorsti stór. En það virtist vera eitthvað ástand á hverfinu, það voru öll ljós slökkt og menn að bauka með kertaljós og eitthvað... þanngi að ég rölti bara aftur að tónleikastaðnum og hitti þar þau skötuhjúin fyrir. Það átti að byrja að helypa inn kl. 19.00, en um það leyti veittum við því athygli að það voru engin ljós sjáanleg í húsinu, það varf slökkt á ljósaskiltinu utan á því osfrv. Það var reyndar allt slökkt í nokkrum húsum í kring og ljósastaurarnir þarna megin götunnar og nærliggjandi götuljós óvirk. Ekki leit þetta vel út. Það var starfólk frá húsinu á vappinu að útskýra hvað var í gangi og þegar við náðum á einum þeirra kom þetta uppúr krafsinu; hverfið var rafmagnslaust. Það átti að gefa þessu 30 mínútur til áður en yrði farið í að ákveða einhverjar breytingar og þá hverjar. Ekki varð okkur nú beinlínis rótt við þetta. En fullkomlega yfirveguð ákáðum við að það besta í stöðunni væri að fá sér bjór. Við sáum veitingahús hinu megin götunnar í nokkurri fjarlægð en þó sjónlinu og stefndum þangað. Þeim megin götunnar sem var ekki ljóslaus. Þarna sátum við um skeið og vorum að velta vöngum yfir stöðunni, hvað væri hægt að gera - breyta flugmiðum ef frestað yrði til morguns osfrv. En þegar klukkan var rétt skriðin yfir átta sjáum við að það kvikna öll ljós á tónleikastaðunum og tókum við af því tilefni gleði okkar að nýju og fórum á tónleika og skemmtum okkur prýðilega! Ohjá. Er ekki frá því að þessi spenna þarna fyrir tónleikana hafi bara bætt þá..

Uff langt siðan siðast!

2005-09-17T19:43:00.000Z

Ojá, búinn að vera allt of iðinn við annað en að blogga uppá síðkastið. Enda reyndar verið fullkomlega dýrvitlaust að gera. Verið að undirbúa flutning á búðinni, verið að reyna að henda af stað nýju bandi í árshátíða- og einkasamkvæmabransann og svo bar fullt að gera í búðinni.
Helst títt nýlegt að ég hentist norður á Sauðárkrók á laugardeginum og spilaði eitt ball með Trausta bróðir og hljómsveitinni hans - Pétri Hallgríms og bráðgóðum eista sem heitir Jan. Það var fjári gaman, hafði ekki spilað heilt ball með Trausta síðan við vorum í Cuba Libre sællrar minningar. Það var fínt band - eða eiginlega tvö fín bönd. Bandið þegar það var ég, Trausti og Tryggi Hübner var allt öðru vísi band en þegar Alli "langbrók" var með okkur. Hvorugt betra, bæði fín.
En gallinn var að eftir ballið var ég farinn að finna að það var að læðast að mér einhver fjárans pest. Ég steinlá allan sunnudag og mánudag - vissi hvorki í þennan heim né annan! En á þriðjudegi gat ég ekki annað en farið í vinnuna, þrátt fyrir að vera enn hálfasnalegur. Nokkrir hlutir sem ég þurfti að ganga frá, því á miðvikudeginum lagði ég í smá ferðalag - flaug til London og húkti þar á Stansted í nokkra tíma og flaug síðan áfram til Barcelona. En þar var ég fulltrúi Tónabúðarinnar á smá námskeiði um tónlistarhugbúnað. Örugglega voða vinsæll, endalaus hóstakjöltur og snýtuhljóð. Var altso ekki orðinn alveg góður og er það reyndar ekki enn. Þetta var mjög athyglisverð ferð svona í ljósi þess að hún var til Barcelona, þar sem var um 30°hiti. Ég var ca. ekkert utanhúss utan eins og hálftíma hádegisveislu á ströndinni á fimmtudeginum. Að öðru leyt var maður lokaðu inní skóla eða að frjósa úr kulda í allt of vel loftræsta herberginu mínu. Ég sver það, ég hélt þeir myndu ganga af mér dauðum. Ég sef allajafnan nakinn, en þarna var ég í bol, með þetta hefðbundna lak og teppi samsetinguna, rúmteppið og annað extra þykkt lúruteppi ofan úr skáp ofan á mér og skalf eins og hríslan og straumurinn. En nú er allt orðið betra. Þetta er skrifað á Laugardagskvöldi á hótelherbergi í Lundúnum þar sem ég get sjálfur stillt hitann. Það eru nefnilega tónleikar hér í borg annað kvöd sem ég gat ekki hugsað mér að missa af, svona fyrst maður á leið hjá. En til að ég verði ekki hóstandi út í eitt þar ætla ég að fara extra vel með mig og fara snemma í háttinn. Úje.

það er ekkert orginal við þessa færslu.

2005-09-07T23:36:00.000Z

Ég bara sá þessa brandara á bloggi vinkonu vinkonu minnar og fannst þeir ljómandi skemmtilegir. Rétt eins og reyndar þessi vinkonuvinkona - verst hvað hún er stór...

* I realised I was dyslexic when I went to a toga party dressed as a goat
* The right to bear arms is slightly less ludicrous than the right to arm bears
* Cats have nine lives. Which makes them ideal for experimentation
* I saw that show, 50 Things To Do Before You Die. I would have thought the obvious one was "Shout For Help"
* It's easy to distract fat people. It's a piece of cake
* If you're being chased by a police dog, try not to go through a tunnel, then on to a little seesaw, then jump through a hoop of fire. They're trained for that

Annars er ég of sleginn yfir fréttunum af Dabba til að segja neitt - en eins og ég hefi sagt áður var þetta að verða tímabært. Samt svolítið sjokk - þó engan vegin jafnmikið sjokk og Einar K. Guðfinnsson í sjávarútvegsráðuneytið! Bara minknum hleypt beint í hænsnabúið! Einhver aðeins gleymt að hugsa hérna...

íslenska fyrir fasteignasala

2005-09-04T10:33:00.000Z

Hvernig ætli standi á því að þegar maður skoðar fasteignaauglýsingar í dag er undantekningalítið talað um kjallaraíbúðir sem "jarðhæð"? Ætli fasteingasalar séu almennt svona illa máli farnir, eða halda þeir virkilega að fólk fatti ekki að þetta sé kjallari - bara útafþví að þeir auglýsa þetta (ranglega) sem jarðhæð?
Og svo er líka verið að hræra í þessu með hæðirnar. Sumir í þessum bransa virðast telja hæðina sem er næst fyrir ofan jarðhæðina (sem er sú sem stundum er ofan á kjallara) 1. hæð. Þannig að hús sem er tvær hæðir og kjallari er væri með kjallara, jarðhæð og 1. hæð. Ég hef alltaf skilið 1. hæð sem jarðhæð.
Mér leiðist þetta ógurlega. Sérstaklega þar sem ég geri nokkuð af því að skoða fasteingaauglýsingar (ég leigi) og einfaldlega veit ekki hvað er verið að tala um í hvert sinn. Er jarðhæðaríbúðin kjallari? Er blokkaríbúðin á 2ju hæð í breiðholtinu í raun og veru á 3ju og efstu?

Flestir vilja að Gísli Marteinn verði næsti borgarstjóri!

2005-08-30T09:20:00.000Z

Eða með öðrum orðum: veröldin er gengin af göflunum! Hvað í ósköpunum hefur hann sér til ágætis? Það að hafa stjórnað drepleiðinlegum sjónvarpsþætti í nokkur ár? Nei, þá líst mér nú persónulega betur á Vilhjálm í djobbið. En hann ... hvernig á ég að orða það... á ekki séns. Allir sem ég veit til þess að hafi þurft að hafa eitthvað saman við hann að sælda bera honum afar vel söguna, en hann bara hefur ekki þetta sem einhver snillingurinn kallaði kjörþokka. Ekki útgeislunina. Jú - það er reyndar eitthvað sem Gísli Marteinn hefur... Ég er tilbúinn til að samþykkja ýmislegt til að kom þessum vitleysingum frá völdum í Reykjavík - en er þetta samt ekki full desperat? Ég meina - GÍSLI MARTEINN!!! Ég held ég þurfi að fara og leggjst fyrir.

Ég þakka.

2005-08-26T21:57:00.000Z

Ég þakka þeim sem sendu mér afmæliskveðjur ýmist hér, í tölvupósti, símleiðis eða augliti til auglitis. Alltaf stuð :)

Ég á ammæli í dag, ég á ammæli í dag.....

2005-08-25T09:59:00.000Z

Jú - hér má skilja eftir kveðjur.

Thessa manadar uppahalds veggspjald!

2005-08-22T20:47:00.000Z

Ég var nokkuð lengi að fatta þessa setningu hérna fyrir ofan þar sem ég rakst á hana. Ég var inná "google groups" og var að skoða einhvern hljóðnörda fréttahóp (fyrir áhugasama alt.audio.pro.live-sound). Af einskærri forvitni klikkaði ég á link þar sem stóð "um þennan hóp" og komu þá upp lítið spennandi töflur og tveir listar - annar með þessari yfirskrift sem í fyrirsögninni og hinn með yfirskriftinni "Alls tima topp veggspjold". Yndislega vondar þýðingar úr "this months top poster" og "all time top poster" - poster stendur þar fyrir einhvern sem sendir póst - EKKI veggspjald!! Hehehe - stupid computers!
Enn meira stupid - stolið af heimasíðu Villa Goða. Vondasta hljómsveit í heimi!!!
Njótið heil.

Það sem helst kætir mig í dag.

2005-08-16T21:33:00.000Z

Í fyrsta lagi þetta: walken2008.com Hann er kannski nógu frægur til að takast þetta og gerast óflokksbundinn forseti. Og býsna vel líkar mér það sem ég les þarna.

Í annan stað (©Jón Baldvin Hannibalsson)það að sjá R listann liðast í sundur. Jibbíí! Vonandi verður þá brátt orðið bílfært um borgina að nýju eftir gatnamálahörmungar R listans.

Og loks það að ég er að fara í stutta ferð til Barcelona og London í september. Vinnutengdur skottúr, en ég ætla að reyna að kíkja á tónleika með Alison Krauss í London á heimleiðinni. Það verður trúlega stuð.

eh.. já...

2005-08-10T23:30:00.000Z

Fiskistappa.

2005-08-09T00:05:00.000Z

Hæ.

Eins og allt of stór hluti þjóðarinnar fór ég til Dalvíkur um helgina. Mínar fornu heimaslóðir, þrátt fyrir að flest tengsl mín þangað hafi reyndar rofnað með tímanum. Ég flutti í burtu 14 ára, en á þeim aldri þekkir maður engan sem er meira en 2 árum yngri eða eldri. Þannig að ég þekki næstum því engann þarna nema fyrrum bekkjarfélaga (og þá reyndar ekki einusinni alla) og nánustu ættingja. Skömm að því.

En allavega, ég get staðfest að það var haugur af fólki þarna, sjá mynd:
Þarna má, bak við rassinn á Friðriki Ómari sjá í nokkra af gestunum. Einhverjir halda því fram að þeir hafi verið um 30.000, en ég spyr nú bara - hvernig var það talið eiginlega? Ég komst ekki nema uppí hundraðfimmtíu og eitthvað, þá týndi ég tölunni. Voða erfitt að telja þegar fólk er alltaf að færa sig og svona.

En allavega - þrátt fyrir full mikið af fólki var stuð. Mér fannst mest stuð um kvöldið, en þá stóðum ég og Magni félagi minn fyrir enn einu söngkvöldi við Sogn. Þriðja skiptið og það best lukkaða. Við altso riggum upp græjum, gíturum, bassa, píanói og trommum, gerum söngbók sem er dreift á lýðinn og spilum. Síðan mega bara allir koma og taka í, eða taka við. Mikið stuð. Allt annað en þetta hefðbundna spilerísfyrirkomulag sem maður er orðinn svo vanur að maður er næstum því búinn að fá leið á því. Spila með fólkinu í stað þess að spila fyrir það.

En það er fullkomlega fáránlegt þetta dæmi með veðrið á Fiskidaginn. 5ta árið í röð og það er alltaf bongóblíða! Það var núna skítaveður daginn á undan, heiðskírt og blússandi hiti á Fiskidaginn og svo skítaveður daginn á eftir. Júlli - sá sem á hugmyndina að þessum degi og er allt í öllu - hann hlýtur að hafa selt sál sína djöflinum í skiptum fyrir þessi veðurskilyrði ár eftir ár... Ég meina... þetta er bara ekki einleikið! Ekki það ég kvarti! Er að spila þarna utanhúss, það væri ekki gaman ef ekki væri þetta veður.

Allrighty!

Og í tilefni af heimsendingu álagningarseðla:

2005-08-03T21:14:00.000Z

Og ein skemmtileg mynd:

2005-08-02T23:28:00.000Z

Múrinn heitir vefrit eitt,

2005-08-01T23:52:00.000Z

mjög svo í vinstri kantinum. Miklir spekingar þar á bak við, t.d. þeir bræður Ármann og Sverrir Jakobssynir og herstöðvaandstðingurinn mikli Stefán Pálsson. Ég veit ekki hvort að restin af ritstjórninni hefur líka svona sterk tengsl við "Gettu betur" - mér er það til efs.

En í dag skrifar Ármann Jakobsson grein sem er að flestu leyti eins og skrifuð út úr mínu hjarta. Það er að vísu ein setning sem ég er hreint ekki sammála, þar sem Ármann skrifar: "Ekki má þó rugla þeim saman við raunverulega sósíalistaflokka því að hin trúarlega skírskotun fer illa saman við það frjálslyndi sem fylgir sannri félagshyggju sem snýst um rétt allra, ekki bara meirihlutans (og enn síður yfirstéttarinnar)." Mér þætti vænt um ef einhver gæti bent mér á eins og eitt sósialískt ríki þar sem ekki ríkir eymd og volæði. Vissulega jafnt volæði fyrir alla, nema þá sem eru "jafnari en aðrir" (sjá Orwell), þeir nebblega hafa það bara helvíti fínt (sjá Kim Jong Il).

En fyrir utan þennan sósialiska misskilning, fjári fín grein. Þetta er allavega það sem skelfir mig mest af öllu, pólitíkusar sem fela sig bak við trúarbrögð.

ég ætlaði að lýsa yfir mikilli tilhlökkun,

2005-08-01T02:45:00.000Z

en veit ekki alveg hvort það sé við hæfi.

Svo er mál með vexti að ég var að koma heim frá lítilsháttar kíkki í bæinn - kíkti við á tveim - þrem pöbbum. Og hefði verið lengur ef væri fyrir reykjarkófið og loftræstiskortinn sem er svo oft á börum og kaffihúsum. Og ég ætlaði að tala um hvað ég hlakkaði mikið til þegar breytt tóbaksvarnarlög tækju gildi - þau sem myndu banna reykingar á veitingahúsum. En ég fæ ekki séð að þau hafi komist í gegn á síðast þingi! Rats! Ég fæ ekki betur séð en það hafi verið lagt fram, en ekki einu sinni náð að rúlla í gegnum fyrstu umræðu! Og ég sem var alveg sannfærður um að þetta myndi taka gildi um mitt næsta ár! Sérstaklega þegar þetta er haft í huga. Bömmer.
Maður verður þá bara um sinn að halda áfram að lykta eins og öskubakki ef maður gerist svo djarfur að reka nefið inná veitingahús um helgi - því þá er jú ástandið verst.

Ojæja - best að hoppa í sturtu og skola af sér fnykinn. Góða nótt.

Margt af því sem maður sér á vefnum sem er svolítið sniðugt...

2005-07-29T02:01:00.000Z

...en þetta er miklu meira en svolítið sniðugt! Tær snilld!

Arrgh!!

2005-07-27T21:18:00.000Z

Listaverk!!!!! 2 f*$#&°g lítrar af vatni!!

http://news.bbc.co.uk/1/hi/england/devon/4718573.stm

Rassinn á mér!

Annað skemmtilegt skilti

2005-07-26T18:22:00.000Z

Úff. Einhver saklaus tannlæknir lætur hanna fyrir sig skilti. Og er nógu klikkaður/blindur/vitlaus til að nota það!

Sum skilti eru skemmtileg!

2005-07-26T14:59:00.000Z

Hef rekist á nokkrar myndir af fyndnum skiltum sem ég ætla að deila með ykkur.

Þá höfum við það - kristur dó fyrir kleinuhringina okkar.

Þá fer að líða að lokum frís.

2005-07-22T14:20:00.000Z

Jújú, allt tekur þetta enda um síðir. Síðasti frídagurinn minn - í bili. Er hér enn í góðu yfirlæti norður á Akureyri - í þoku reyndar, þegar ætti samkv. veðurspá gærdags að vera blíða. Blíðan er bara svolítið ofar en ég...

Allavega - fer í afmæisveislu á morgun og bruna svo heim. Er svolítið farinn að sakna koddans míns. Fínn koddi mar. Og bassanna minna. En samt langmest tölvunnar minnar. Sem er ekki í lagi. Ég er orðinn að tölvufíkli, eða frekar netfíkli. Líður bara óþægilega ef ég ekki kemst á netið til að gá að hlutum annað slagið. Jafnvel þó að "hlutirnir" séu ekkert merkilegri en það að sjá hvort að það sé virkilega enginn búinn að senda mér tölvupóst síðustu 15 mínúturnar. Þarf að fara að gíra mig niður í þessu og fara að nota tölvuna meira í það sem hún var jú keypt til að gera - möndla með músik! Aldrei þessu vant nokkrar hugmyndir á flugi sem væri rétt að festa niður.

En það þýðir reyndar í leiðinni að ég kem væntanlega til með að verða jafnvel enn lélegri bloggari en ég hef verið uppá síðkastið - ef það er hægt. En þið sárafáu sem enn kíkið hér inn verðið bara að lifa með því, til sárabótar er jú komið ekki bara svolítið af linkum, heldur líka þessi fíni rss gluggi þar sem þið getir fylgst með nýjungum á slatta af spennandi (að mínu mati) bloggum.

En ég held samt áfram að blogga eitthvað - ég skal reyna að halda mig við það að setja inn færslur eigi sjaldnar en jón.is - þ.e. eigi sjaldnar en ársjórðungslega ;)

Það er meira....

2005-07-18T14:42:00.000Z

Ótrúlegt hvað ég hef verið latur við skriftir að undanförnu! Held að það geti varla verið að það sé hér nokkur lesandi lengur - en ef svo ólíklega vill til, þá við ég að afsaka leiðindin.

Ég er í fríi - er sem stendur staddur í heimsókn hjá bróa mínum á Akureyri, hann á fullt af tölvum. Og ég nota tækifærið og pikka þetta inná eina meðan hann er eitthvað að brasa í annari. Kom hér í gær, eftir að hafa spilað undir fjöldasöng starfsmanna símans á sumarhátíð þeirra og útilegu við Húnaver á laugardagskvöldið. Eini gallinn var að menn gleymdu að taka það með í reikninginn að veðrið er í boði OgVodafone! Það var rigningarsuddi og frekar kalt. Ekki beinlínis optimal aðstæður til að standa úti og spila og syngja. En ísl. karlmenn og allt það... Nennti þó ekki að tjalda eins og ég hafði planað, rúllaði út svefnpokanum í staðinn inní Húnaveri - þar sem svaf í einhverri rúmbestu miðasölu sem ég hef komið í. Það var átta manna fundarborð þar og alles - nóg pláss. Hefðu getað sofið þarna 10-15 manns á gólfinu, en ég kaus nú bara að sofa á legubekk sem var þarna útí horni. Fínt!

Brunaði svo á Akureyri í gærmorgun og verð hjá mútter og co þessa vikuna. Og partí á laugadaginn frétti ég áðan - ammmæli hjá konunni hans bróa míns. Maður er alltaf að græða.

Skrifa ekki meira að sinni. Brói búinn að brasa og byrjaður að bíða! Bæbæ.

Reyni að bæta fyrir bloggleti..

2005-07-15T16:46:00.000Z

.. með einum af uppáhaldsbröndurunum mínum.

An Irishman, an Englishman and a Scotsman were sitting in a bar in Sydney. The view was fantastic, the beer excellent, and the food exceptional! "But", said the Scotsman, "I still prefer the pubs back home. Why, in Glasgow there's a little bar called McTavish's. Now the landlord there goes out of his way for the locals so much that when you buy 4 drinks, he will buy the 5th drink for you."
"Well" said the Englishman "At my local, the Red Lion, the barman there will buy you your 3rd drink after you buy the first 2."
"Ahhh that's nothin'!" said the Irishman "Back home in Dublin there's Ryan's Bar. Now the moment you set foot in the place they'll buy you a drink, then another, all the drinks you like. Then when you've had enough drink they'll take you upstairs and see that you get laid. All on the house!"
The Englishman and Scotsman immediately pour scorn on the Irishman's claims. He swears every word is true. "Well", said the Englishman, "Did this actually happen to you?"
"Not myself personally no", said the Irishman, "But it did happen to my sister."

það sem á mína daga hefur drifið..

2005-07-03T22:10:00.000Z

Jú, eins og svo margir fór ég á tónleika með Duran og eins og svo margir smávaxnir sá ég ekki rassgat. En heyrði fullt og þeir voru fínir! En eymingjaskapur í aðstandendum að hafa ekki skjái. Og náttúrulega agalegt bull að hafa A svæðið hálftómt þarna fremst en gefa fólki ekki tækifæri til að eignast miða á það nema að kaupa líka miða á Foo Fighters og Queens Of The Stone Age. Þeir hafa tapað slatta af pening á því - gottáðá. En þrátt fyrir að ekki hafi verið sérlega vel að þessu staðið var þetta hin fínasta skemmtun. Fjári gott band - vel spilandi - og Le Bon mun betri söngvari en ég hélt.

Og svo i gærkvöldi þá fór ég í fjári skemmtilegt partý - fertugsafmæli hjá Oddi vini mínum. Þar voru nokkrar hljómsveitir sem hann hefur verið í um ævina og rullt af græjum og mikið djamm. Ohjá - ljómandi var nú gaman þá. Svotlið þunnur - en ekkert svo mikið.

Og nú lærum við að dansa diskó!

2005-06-26T00:24:00.000Z

Þetta er brilliant! Og svo tökum við sporið! Ux, gax!

og til að það sé ekki bara nöldur hérna,

2005-06-23T23:56:00.000Z

þá finnst mér rétt að segja frá einhverju skemmtilegu líka.

Ég var altso í stúdíósession í gær, sem sumum þykir kannski ekki frásögur færandi - en það er nógu sjaldan hringt í mig í svona til að mér finnst það alltaf voða gaman. Smá umhugsun - nei annars - mér finnst það oftast voða gaman. Hef lent í því líka að það hafi ekki verið hið minnsta gaman. Tvisvar. En það er annað mál!

Allavega, í stúdíókríli Villa Guðjóns vorum við Boggi (Jón Borgar Loftsson eðaltrymbill) að hamra inn grunn að lagi fyrir Ingva Þór Kormáksson og söngvara (Keflvískan held ég) sem heitir Mummi. Eða reyndar Guðmundur. En alltaf kallaður Mummi. Það var gaman, sársaukalaust og tiltölulega fljótlegt. Þokkalegasta lag líka. Frá því að við bárum inn dótið þangað til við fórum liðu einhverjir 2 - 2 1/2 tími - sem mér finnst nokkuð gott. Á þessum tíma gerist allt: það er fengið sánd á settið (held að allir lesendur skilji þetta þó ekki sé það falleg íslenska) og fyrstu kynni fengin af laginu. Þetta steinlá.

Minnti mig nákvæmlega ekki neitt á mína síðustu stúdíóvinnu, þar sem það var býsna erfitt að átta sig á því hvaða hljómar voru í gangi eða hvaða form átti að vera á laginu... úff. Gleyma því - núna!!

Neeeiiiiiii!!! Enn meiri lágkúra!

2005-06-23T23:45:00.000Z

Schei?e! Það var verið að óska á skjá einum eftir þáttakendum í "íslenska Bacelornum" (sem er reyndar sérkennileg meðferð á tungunni útafyrir sig - piparsveinn hefur dugað hingað til). Hafandi séð búta úr þáttum bæði úr bachelor og bachelorette (sem er fyndið orð - hvað er að spinster? ;) - þá verð ég að segja eftirfarandi: Ef maður/kona leggst svo lágt að taka þátt í þessum viðbjóði, þá er viðkomandi kominn talsvert neðar í virðingarstiganum á mínu heimili en hinar dæmigerðu götumellur sem maður gjarnan rekst á stórborgum. Þær eru þó að reyna að höstla hvern sem er af góðri ástæðu; til að græða pening. Þeir sem taka þátt í þessum þáttum eru að reyna að höstla einhvern ( með áherslu á einhvern - hvern sem er, því ekki vita þeir þegar þeir (þáttakendurnir) skrá sig, um hvern er verið að "keppa") til þess eins vita að maður er meiri höstler en hinir! Í fjárans sjónvarpinu!! Hvað næst? Runk-keppni? Eða er þetta að verða vægara með árunum? Keppnin í framhjáhaldi innanhúss án atrennu, betur þekkt sem Tempation Island, fór jú fram í sjónvarpi hér um árið...

Lágkúra

2005-06-15T20:44:00.000Z

Ég vil áður er ég byrja að það komi fram að ég var og er á þeirri skoðun að sú ákvörðun að byggja virkjun að Kárahjúkavirkjun og þó sérstaklega álver á Reyðarfirði hafi ekki nétt sérstaklega gáfuleg. Fyrst og fremst útaf því hve svæðið verður allt háð þessum risa-vinnuveitanda, efnahagur og fasteignaverð fyrir austan kemur væntanlega til með að sveiflast í takt við heimsmarkaðsverð á áli!

En einhverjir hálfvitar sáu ástæðu til að ráðast inná fund í gær og sletta skyri. Sumum "umhverfisvinum" finnst þetta voða sniðugt og gott framtak - eðlilegt framhald á margra ára mótmælum við umdeildum framkvæmdum fyrir austan. Þeir eru hálfvitar líka.

Þeir sem sátu þennan fund voru að verulega litlu (ef einhverju) leyti fólkið sem er ábyrgt fyrir þessum framkvæmdum við Kárahjúka og á Reyðarfirði - það voru jú okkar eigin pólitíkusar sem ákváðu það. Þetta voru bara einhverjir erlendir bisnissmenn að ræða framtíð álbransans glóbalt. Og glóbalt séð er álbransinn hið besta mál, léttari og sparneytari bílar og flugvélar og dót = minni mengun og vesen. Skyrið hefði átt að fjúka á Alþingi - ef einhverstaðar.

Það hefur kannski farið fram hjá þessum "umhverfisvinum" að síðustu ár hefur hræðsla við hryðjuverk aukist verulega á vesturlöndum - af gefnu tilefni. Hvað skyldu þessir erlendu bisnisskallar hafa haldið að væri í gangi þegar gargandi hjörð af hálfvitum ruddist inn á fund hjá þeim og fer að sletta einhverju gumsi yfir þá? Þeir þekkja ekki til Helga Hóseasonar né einhverra hefða um skyrmótmæli. Hvað skyldu þeir hafi haldið að væri á ferðinni? Sýra? Bensín? Sýkla eða eiturefnagums? Þó bót í máli að enginn þeirra virðist hafa verið nógu veill fyrir hjarta til að liggja dauður eftir.

Svo var Elísbet Jökulsdóttir, skáld og hálfviti, í Kastljósi áðan ásam Geirjóni löggu. Henni fannst þetta bara sniðugt!!!! Talaði um að þetta væri nú ekki það tjón sem menn vildu vera láta sem unnið væri með svona slettum - og svo væri þetta allt tryggt í topp. Nújá - kynntu menn sér tryggingarmál rástefnugesta áður er árásin hófst? Ég held að mér sé óhætt að fullyrða að útþynnt skyr með litarefni í er fjári óhollt - bæði fyrir flíkur og rafeindatæki. Og það liggur við að ég voni að skemmdir hafi verið nógu fjári miklar! Því að hvort sem þetta er tryggt eða ekki, þá hlýtur það jú að vera krafan að þeir sem valdi þessu tjóni greiði það líka. Hvort sem það verða eigendur munanna sem þurfa að bera sig eftir því eða tryggingarfélögin þeirra.

Annars með þetta dót þarna fyrir austan. OK - það kom fram hér efst að mér finnst það ekki góð hugmynd. Öll eggin í sömu skál og allt það. En þetta hefur verið til tals lengi - það hafa verið kosningar á tímabilinu. Og bæði fyrir og eftir þessar kosningar var meirihluti réttkjörinna fulltrúa íslensku þjóðarinnar þeirrar skoðunar að það væri rétt að fara í þessar framkvæmdir. Mér finnst rétt og eðillegt að beygja mig undir vilja meirihlutans. En svo er augljóslega ekki um alla. Hvað er þetta lið að pæla - að lýðræði eigi bara við þegar þeirra skoðun verður ofaná?

Og svona til gamans - það er kannski leið til að sjá fyrir sér mannmergðina sem stendur í þessum mótmælum. Lokum augunum og sjáum fyrir hugskotssjónum þvöguna sem stóð vaktina með Elísabetu Jökulsdóttir á Austurvelli um árið til að mótmæla framkvæmdum fyrir austan. Mjög minnistæðar fréttamyndir. Á góðum degi voru slagaði þetta alveg í 15-20 manns!!

Nei, nú er mér nóg boðið!

2005-06-07T22:00:00.000Z

Mér tókst með herkjum að sitja á nöldraranum í mér þegar einhver íþróttafrétta álfurinn á Fréttablaðinu skrifaði sagði að allir varnarmenn íslenska liðsins yrðu ekki með í næsta leik - þegar hefði verið nokkuð eðlilegra að segja að enginn þeirra yrði með. En nú heyrði ég auglýsingu frá hinu eðla fyrirtæki Dressman, eina fyrirtækinu sem býður eldri borgurum uppá störf í módelbransanum, þar sem þeir auglýsa buxur á kostarkjörum - eitt STYKKI á 1990, tvö STYKKI á 2990. Hver er svo vitlaus að vita ekki að maður talar um PÖR af buxum? Og maðurinn sem skrifaði texta þessarar auglýsingar vinnur við þetta! Fær borgað fyrir að skrifa á íslensku - með alla þessa máltilfinningu! Arrrgh!!!

Nújæja, þá veit maður hvar á ekki að auglýsa!

2005-06-05T18:04:00.000Z

Eins og ég var lítt glaður með auglýsinguna sem þetta blogg fékk í DV í liðinni viku, þá er ég verulega hissa á því að hafa ekki orðið var við aukna umferð hér. Að vísu er ég nógu áhugalaus um traffíkina hérna að ég er ekki með einhvern búnað sem telur "hit" eða sér hvaðan fólk kemur hingað, en það hefur enginn kommenterað né sent mér póst í tilefni af þessu! Sem mér finnst bæði skrýtið og svolítið frábært. En allavega - "exposure" í DV hefur ekki ögn að segja, trúlega útafþví að það tekur enginn mark á þeim hvort eð er - enda sorasnepill.

Frægð og frami?

2005-06-03T21:09:00.000Z

Mér brá nú nokkuð þegar ég frétti af því að færslan hér að neðan var birt í DV. Það var nú ekki beinlínis planið - maður segir kannski ekki hlutina alveg eins þegar maður býst við 5-6 lesendum, vinum og fjölskyldu, eða þegar til stendur að það birtist í þó jafn útbreiddum miðli og DV. Nú skulu gerðar ráðstafanir til að þetta gerist ekki aftur - hef ekki minnsta áhuga á því að verða frægur bloggari!

ái....

2005-05-31T21:05:00.000Z

Skjár eitt í gangi í bakgrunninum - innlit útlit. Sem er málfræði- og málfarsstúdía af dýrustu og bestu gerð.
Jónsi og frú fórnarlambið núna. Einhver koma á vegum þáttarins að hjálpa þeim að skreyta íbúðina og í fullkomnu smekkleysi setti hún textabúta með "í svörtum fötum" - bút eftir þau skötuhjúin - á striga og uppá vegg á tveim stöðum, í stofu og svefnherbergi. Ef þetta verður ekki komið niður og útí tunnu innan tveggja vikna......

Óþolandi tískufrasar!

2005-05-16T11:23:00.000Z

Ok - ég er að verða búinn að fá mig fullsaddan af tískuorðum og frösum. Nokkur dæmi um ofnotuð óþörf orð eða frasa:
Orðræða - hvaðan kemur þetta? Hvað á þetta að þýða? Er til öðruvísi ræða en með orðum?
Stofa - í merkingunni skrifstofa eða stofnun. Umhverfistofa, samkeppnistofa osfrv. Hvað er að því að kalla stofnun stofnun, skrifstofu skrifstofu og fjölskylduherbergið á heimilinu stofu?
Group - ætla ekki að eyða fleiri orðum í þetta.
"Við erum að bjóða" - í stað "við bjóðum". Ekki nógu fróður um tækniorð í málfræði, en þetta er afskaplega ofnotað afbriðgði af einhverjum hætti.

Þetta er svona það sem var efst í huga mér - kem til með að .... nei þetta er einn enn óþolandi frasinn - "kem til með að"... MUN bæta hér við þegar fram líða stundir. Ef þið eigið ykkar "pet hate" í þessu, látið þau flakka hér fyrir neðan.

Svona meðan mér dettur ekkert skárra í hug...

2005-05-16T10:58:00.000Z

... þá læt ég hérna flakka annan brandara sem varð á vegi mínum. Gersovel:

Why ARE Men Happier?

Men Are Just Happier People-- What do you expect from such simple creatures?
Your last name stays put. The garage is all yours. Wedding plans take care of themselves. Chocolate is just another snack.
You can be President. You can never be pregnant. You can wear a white T-shirt to a water park. You can wear NO shirt to a water park. Car mechanics tell you the truth. The world is your urinal. You never have to drive to another gas station restroom because this one is just too icky. You don't have to stop and think of which way to turn a nut on a bolt. Same work, more pay. Wrinkles add character. Wedding dress- $5000. Tux rental- $100. People never stare at your chest when you're talking to them. The occasional well-rendered belch is practically expected. New shoes don't cut, blister, or mangle your feet. One mood - all the time. Phone conversations are over in 30 seconds flat. You know stuff about tanks. A five-day vacation requires only one suitcase. You can open all your own jars. You get extra credit for the slightest act of thoughtfulness. If someone forgets to invite you, he or she can still be your friend. Your underwear is $8.95 for a three-pack. Three pairs of shoes are more than enough. You almost never have strap problems in public. You are unable to see wrinkles in your clothes. Everything on your face stays its original color. The same hairstyle lasts for years, maybe decades. You only have to shave your face and neck. You can play with toys all your life. Your belly usually hides your big hips. One wallet and one pair of shoes one color for all seasons. You can wear shorts no matter how your legs look. You can "do" your nails with a pocket knife. You have freedom of choice concerning growing a mustache.
You can do Christmas shopping for 25 relatives on December 24 in 25 minutes.

No wonder men are happier!

einn gamall og þroskaður, en nokkuð góður...

2005-05-12T19:52:00.000Z

Fékk þennan með tölvupósti:

Ég hef aldrei almennilega skilið muninn á kynferðislegum pælingum milli kynjanna. Og ég hef aldrei áttað mig á öllu þessu venus og mars dæmi. Ég hef aldrei fattað afhverju karlar hugsa með hausnum og en konur með hjartanu, bara hljómar rangt.

T.d eitt kvöld í síðustu viku, vorum við konan að koma okkur í rúmið. Þú veist, ástríðan fer síðan í gang og maður gerir sig líklegan til góðra gjörða. Þá tekur hún upp á því að segja " Æi ég er eiginlega ekki í stuði fyrir þetta núna, ég vil bara að þú haldir utan um mig"

Ég segi lágt(en hrópa í kollinum) HVAÐ !!!!!!!. "Hvað er eiginlega í gangi?" hugsa ég.

Hún svara furðulostna svipnum mínum með því að segja: "Getur þú ekki bara elskað mig fyrir hver ég er en ekki fyrir hvað ég get gert fyrir þig í rúminu." (Svarar maður svona?)

Það sem allir kærastar/Eiginmenn hræðast mest að heyra frá konunni sem þeir ætla að eyða lífinu með er: "Þú ert bara ekki í snertingu við mínar tilfinningalegu þarfir sem kona og því er ég ekki klár í að fullnægja þínum líkamlegu þörfum, sem maður."

Þegar ég áttaði mig á því þetta kvöld að ég var ekki að fá neitt, snéri ég mér við og fór að sofa. Strax næsta dag ákvað ég að taka mér frí frá vinnunni til að geta eytt deginum með konunni minn. Við fórum út og fengum okkur hádegismat saman og fórum svo í eina af tveimur stóru, stóru verslunarmiðstöðunum þar sem er hægt að fá nánast allt. Ég gekk um með henni á meðan hún mátaði hin og þessi dress sem kostuðu mis mikið en flest þó mjög dýr. Hún var að vandræðast mest með einhver tvö dress, hvort dressið hún ætti að kaup. Þar sem ég var fullur iðrunar á skilningsleysinu mínu gagnvart henni kvöldinu áður sagði ég, "því kaupir þú ekki bara bæði?" Hún vildi fá nýja skó sem pössuðu við nýju dress-IN. Þannig að ég sagði, "Því ekki að kaupa þá bara 2 pör". Þar á eftir lá leið okkar að skartgripadeildinni þar sem hún rasaði út og valdi flott par af demannts eyrnalokkum.

Ég get sagt ykkur það, að hún var svo spennt yfir þessu öllu saman að ég hef bara sjaldan séð annað eins, líklega haldið að ég væri að reyna að nálgast hana betur en ég hafði áður gert. Ég hélt í smá stund að hún væri að testa mig, hún nefnilega bað mig um svona tennis-svitaband, og hún spilar ekki tennis. Ég held að hún hafi orðið frekar hissa þegar ég sagði "já já , það er í góðu ástin mín". Hún var nánast að fá kynferðislega fullnægingu í öllum þessum innkaupa hamagangi.

Brosandi út að eyrum full af væntingum og ánægju sagði hún loksins "Jæja,ég held bara að þetta sé allt" (gott hugsaði ég og leit á tvær stút fullar innkaupakerrur af hamingju). Við skulum fara á kassann og borga !!!!

Ég gat varla hamið mig þegar ég sagði við hana "Nei elskan, ég er bara ekki stuði fyrir þetta núna"

Andlitið á henni varð skyndilega bara autt, eitt stórt ekkert. Kjamminn á henni lafði niður á gólf, þegar hún loksins kom útúr sér... HVAÐ !!!

Þá sagði ég "Nei í alvöru elskan, ég vil bara að þú haldir á þessu í smá stund, Þú ert bara ekki í nægri snertingu við fjárhagslegar þarftir mínar sem maður til að ég geti fullnægt þínum fjárhagslegum þörfum sem kona.

Og akkurat þegar hún gaf mér þetta augnaráð eins og hún væri að fara að drepa mig, bætti ég við "Afhverju getur þú ekki bara elskað mig fyrir hver ég er, en ekki fyrir það hvað ég get keypt handa þér."

Það er óþarfi að tíunda eitthvað frekar um það en ég fékk ekkert þetta kvöld.

Kominn heim úr danaveldi

2005-05-08T20:31:00.001Z

Ég er semsé kominn heim úr allblautri helgarferð til danaveldis með kórnum sem ég er í - Borgarkórnum. Við sungum í þessum í safni sem heitir Glyphtotek.

Eins og sjá má alveg ljómandi fallegur salur. Í grískum stíl, mikið af marmara og alveg rosalega flottur hljómburður fyrir svona kórmúsik. Eina sem af mátti finna að er að það er engin loftræsting önnur en að opna þakið, sem er úr gleri - en þegar það eru tónleikar er það ekki ráðlegt, því að Tivoli er við hliðina. SMÁ hávaði þaðan. Og það var sól - sem skein gegnum glerþakið og gerði býsna hlýtt.
Ef það er eitthvað sem þessum kór virðist alveg fyrirmunað að gera skammlaust, er það að stilla sér upp. Mislangt milli manna, sumir einni tröppu ofar eða neðar en þeir eiga að vera. Bara ekkert samræmi. Kór á sviði á að vera ein eining - ekki safn af einstaklingum, eða það finnst mér.
En mikið fjári sungum við nú annars fínt. Ég hef vitni!

Svo fór ég í smá njósnaferð í stærstu hljóðfæraverslun dana, Musikhuset Aage Jensen. Þeir eru með frekar flottar ljósakrónur yfir risastóra afgreiðsluborðinu sínu.

Bestu not sem ég hef séð fyrir Marshall hausa ;)

Svo var farið í Tivoli. Ég kom sjálfum mér á óvart og fór í nýja stóra rússibanann - the demon minnir mig að hann heiti - hér er mynd af hluta af honum.

Það var svo mikið stuð að ég fór aftur.

Síðan er þarna manndrápstól sem heitir gyllti turninn - heljarhár turn sem menn eru hífaðir upp og látnir síðan gossa í frjálsu falli, lenda á einhverju loftdæmi sem skýtur þeim hálfa leið upp aftur og svo smá hægist á uns stöðvað er. Ég er ekki nógu vitlaus til að fara í þá græju - eða of lofthræddur - þannig að ég náði þessari fínu myndasyrpu af þeim félögum mínum Magna, Kollu og Höllu í þessari græju.

Hér eru þau að spenna sig föst í sætin - eftirvænting í augum má sjá eins og segir örugglega í ljóðinu.

Hér lögð af stað upp - svipurinn orðinn ögn stífari...

Hér að lenda eftir fyrsta skopp -
þau fóru of hratt í fyrsta fallinu, ekki séns að grípa þau á mynd. En skemmtilegir svipir ; )

And that's all folks - nebblega bæði þunnur og þreyttur og ætla snemma í bólið, eftir að ég hef kynnt mér innhald DVD diska sem ég keypti í útlandinu - Neil Young tónleikar! Jibbí!

Yahhoooo!!

2005-05-05T18:51:00.000Z

Lett marinedadur i kongsins køben - eg og felagi Magni forum degi a undan menginu af kornum okkar fina til utlands og erum bunir ad vera ad kynna okkur hvada bjorar seu i bodi.. Her se semse stud! Kved ad sinni.

Það er ótvírætt merki um að of langt líði milli færslna

2005-05-01T22:43:00.000Z

þegar maður þarf að fá password reminder frá blogger! Ég bið lesendur (sem eru þó væntanlega mikið færri en þeir væru ef ég aulaðist til að skrifa annað slagið) afsökunar á þessari bloggleti.

Það er vor í lofti, hitinn rétt yfir frostmarki og allir i stuði. Pínkulitla hljómsveitin mín, Ómar, var að spila síðustu tvær helgar, en það er alveg nýtt að við séum spila allar helgar tvær vikur í röð. Við erum hreint yfir bara ekki nógu duglegir til þess, er jú hugsað sem algjör aukavinna/saumaklúbbur hjá okkur. En við bara gátum ekki neitað giggi á Hótel Sögu - það er svo þægilegt að vinna svoleiðis gigg. Næstum þvi ekkert rót og svo kemur meira að segja einhver og tengir allt fyrir þig. Bloddy perfect. Ef þetta er ekki sniðið til að auka manni leti - eins og þess þyrfti...

Að öðru - ég er á leið með kórnum mínum til danaveldis um næstu helgi. Það skal verða stuð og fjör. Við ætlum að halda tónleika í einhverju safni þarna og syngja svolítið á strikinu lika - og skal ég láta hattinn ganga við það tilefni eða þið megið kalla mig hvutta. Það sem er hins vegar stórmerkilegt við þessa ferð er að þetta er bókstaflega í fyrsta skiptið sem ég, 38 ára gamall, borga undir rassinn á mér til útlands!! Ég hef verið alveg slatta á ferðinni, ýmist að spila eða einhvernveginn vinnutengt, en þetta er - án gríns - í fyrsta skiptið sem ég borga. Furð. Og þá er það í ferð sem ég er reyndar ekkert sérstkalega spenntur fyrir að fara í ..... Skrýtinn heimur.

Námskeið fyrir leiðtogaefni?

2005-03-31T22:33:00.000Z

Þegar ég var að skrifa síðasta póst leitaði ég uppi nafn Guðnýjar Halldórsdóttur í Google.com - því var bara alveg stolið úr mér. Google er fljótlera en að rifja það upp. En það er ekki málið. Málið er hitt sem kom upp við leitina: farskóli leiðtogaefna!. Það fyrsta sem mér datt í hug var sovéski kommúnistaflokkurinn. En ekki alveg - þjóðkirkjan. En þetta virkaði svolitið.... nei - svomikið furðulega á mig. Hvað finnst ykkur? Að pikka út einhverja úr barna- og unglingahópum og troða því inní kollinn á þeim að þeir séu leiðtogar. Ég sem hélt að leiðtogar einhvernveginn bara...yrðu! Það er alltaf þannig í hóp að það verður einhver eða einhverjir sem leiða hópinn - þarf ekkert námskeið til þess, það bara gerist!

Hahahah!!!

2005-03-31T22:24:00.000Z

Í seinni fréttum RÚV núna áðan kom fram að ríflega helmingur Akureyringa vill, samkvæmt skoðanakönnun á vegum iðnaðarráðuneytis, EKKI stóriðju í Eyjafirði. Hahahahaha....fólk að taka sönsum! Nema reyndar pólitíkusarnir - sem eru voða hissa.

Og svo smá um Fiska Sirkúsinn. Ég vissi ekki hvert ég ætlaði þegar ég sá að báðar sjónvarpsstöðvarnar voru með beinar útsendingar frá lendingu Bobby Fisher á Reykjavíkurflugvelli - ég hló og hneykslaðist í senn. Hvílík erkiheimska. Og tók nú fyrst steininn úr þegar stoð2 þóttist fara með hann í burtu til að allir hini færu og þeir gætu komið með hann aftur útá flugvöll. Ég veinaði út hlátri. Svo er Páll Magnússon búinn að reyna að vera að verja þennan sirkús. Hann getur sagt það sem hann vill - ég sá þetta með eigin augum í sjónvarpinu og þetta er, trúi ég, það fíflalegasta sem ég hef séð í sjónvarpi - að áramótaskaupi Guðnýjar Halldórsdóttur meðtöldu!!

af göngum og byggðastefnu.

2005-03-22T01:56:00.000Z

Ég var að lesa á Silfri Egils um Héðinsfjarðargöng. Sem mér finnast vera mikið bull og fáranleg meðferð fjármuna. Miðað við göng uppá 6.3 milljarða fyrir 1380 manns þá er verið að tala um ríflega 4,5 milljónir á hvert mannsbarn á Siglufirði. Sem þýðir að það er hægt að byggja 20 milljóna hús undir hverja 4ra manna fjölskyldu - á Ólafsfirði, Dalvík, Sauðárkróki eða Akureyri. Nú eða Reykjavík - ef fólk vill frekar fara þangað. Hvort sem göngin koma eða ekki er Siglufjörður ekki í góðum málum. Lélegt atvinnuástand - og síðast þegar ég kom þarna við var mjög mikið af mjög hrörlegu húsnæði þarna.

Sverrir Hjaltason heitir maður sem kommenteraði á pistil Egils og sagði "fólk sem býr í dreifbýlinu á Íslandi á að njóta mannréttinda á borð við aðra í þjóðfélaginu, menntunar, heilbrigðisþjónustu, verslunarþjónustu, góðra samgangna og annarra kosta svo sem netsambands og góðs aðgengis að ljósvakamiðlum."
Ég segi nú bara stopp! Síðan hvernær telst netsamband og aðgengi að ljósvakamiðlum til mannréttinda? Verslunarþjónustu! Ef þér finnst vanta verslun og heldur að það sé rekstrargrundvöllur fyrir slíkri; opnaðu þá verlsun!! Spurning um að sýna smá sjálfsbjargarviðleitni - ekki bara heimta að einhverjir aðrir sjái um að þú hafir það gott.

Er endilega vit í að reyna að halda öllum deyjandi stöðum í byggð? Er ekki betra að styrkja frekar þá sem eiga sér lífsvon? Mér sýnist bara einsýnt að með breyttum viðhorfum og væntingum; því að fólk vill helst ekki vinna í fiski, vill geta séð stöð2 og skjá einn og verið í ADSL sambandi - helst komist í bíó á kvöldin, þá sé ljóst að eina raunhæfa leiðin til bjargar landsbyggðinni sé að styrkja þá kjarna sem þar eru sterkir fyrir. Við megum ekki gleyma okkur í einhverri fortíðardýrkun og íhaldsemi. Það er ekki hægt að neyða fólk til að búa á einhverjum krummaskuðum bara útafþví að við viljum bjarga byggðinni þar til að viðhalda einhverri sveitarómantík.

Mér er það minnistætt að eitt það fyrsta sem ég heyrði Davíð Oddson segja sem forsætisráðherra (meðan það var ennþá eitthvað vit í því sem kom út úr honum) var eitthvað í þá átt að það ætti að skoða þann möguleika að veita fólki aðstoð við að koma sér fyrir á nýjum stað frekar en að skófla peningum í einhverja botnlausa hít byggðastyrkja. Mikið var nú harmakveinið sem braust út þá. Ekki endilega hjá fólkinu sem átti heima á þeim stöðum sem þá voru í umræðunni, heldur hjá þingmönnunum þeirra - sem hafa væntanlega sé það fyrir sér að einhverjir myndu færa sig til um kjördæmi eða tvö?. Og Dabbi hafði bara dirfst að minnast á það að skoða möguleikann - athuga málið. Síðan eru liðin - 15 ár? Er það ekki eitthvað svoleiðis? Og ekkert hefur breyst. Jú það er búið að undirbúa að sökkva einhverjum náttúruperlum til að búa til verksmiðjuvinnu á Reyðafirði og göng svo Eskfirðingar geti líka glaðir í bragði brunað í verksmiðjuna. En það vill enginn vinna í svona verksmiðju! Hefði ekki verið nær að nota brot af þeim milljarða hundruðum sem fara í þetta til að styðja sprotafyrirtæki á svæðinu? Smáiðnað? Nei nei - hendum öllum eggjunum í sömu körfuna og látum þetta risafyrirtæki í fjórðungnum sveifla hagkerfi fjarðanna til í takt við heimsmarkaðsverð á áli! Gáfulegur anskoti það!

Ég vil að lokum taka það fram fyrir þá sem ekki vita það þegar, að ég er af landsbyggðinni og vil henni allt það besta.

Carol Kaye / James Jamerson

2005-03-04T22:03:00.000Z

Þessi herramaður heitir James Jamerson.
Jamerson er trúlega áhrifamesti rafbassaleikarinn í stuttri sögu hljóðfærisins.

Fyrir skemmstu var þáttur í ríkisjónvarpinu um Carol Kaye. Þar var Carol (sem er heljarbassisti - spilaði meðal annars mikið fyrir Beach Boys, Lou Rawls, Mel Torme, Glen Cambell,Johnny Mathis, Monkees og Simon and Garfunkel - svo nokkrir séu nefndir) að halda því fram að hún hefði í raun spilað megnið af þekktustu lögunum sem Jamerson spilaði inn.

Ég birti þessa mynd af Jamerson hér og þennan link í tilefni þesa þáttar. Þarna er rakið hver spilaði hvað og ýmsar ítarupplýsingar - tenglar og dót.

Afskaplega sárt að sjá þegar listamaður sem hefur yfrið nóg að hreykja sér af (því Carol Kaye spilaði alveg helling af merkilegu stöffi) er að reyna að stela heiðrinum af látnum starfsbróðir. Því minning svona fólks eins og James Jamerson býr í verkunum sem eftir það liggja.

Megi minning hans lifa!

Af reykingabanni.

2005-02-19T20:55:00.000Z

(Þing)maður er nefndur Sigurður Kári. Í dag heyrði ég hann segja að hann reiknaði ekki með að nokkur þingmanna sjálfstæðisflokksins muni styðja frumvarp um bann við reykingum á veitingahúsum. Raddir hafa heyrst úr herbúðum frjálshyggjufélagsins þess eðlis að veitingamen eigi að fá að ráða hvort þeir leyfa mönnum að reykja eða ekki á sínum veitingahúsum. Í viðtali við einhverja starfskonu kaffhússins Kaffbrennslunnar, gott ef ekki framkvæmdarstjóra, kom fram það viðhorf að þeir starfsmenn sem þar ynnu réðu sig þarna inn vitandi að það væri reykt þarna inni og gestirnirni sem kæmu sömuleiðis. OK - ég kíki á Kaffibrennsluna og önnur kaffihús annað slagið, þrátt fyrir að þar sé reykt- en trúlega myndi ég far talsvert oftar ef loftið væri skárra inni á þessum stöðum!
Það er nefnilega eitt sem frjálshyggjufélagið, Sigurður Kári og aðrir þeir sem berjast fyrir rétti fólks til að mega reykja gleyma. Frelsi einstaklingins, frábært sem það er - og megi það jafnan vera sem mest, en það hlýtur að enda þegar hann fer að valda öðrum óþægindum. Mér finnst það allavega eðlilegt. Menn eiga að hafa frelsi til að reykja hvar og hvenær sem er - þangað til þeir fara að valda þeim sem ekki reykja óþægindum. Og hananú!
Og vil ég hér nota tækifærið og biðja alla þá sem ég mengaði umhverfið fyrir meðan ég reykti, afsökunar á menguninni. Sérstaklega hann Trausta bróðir minn - en við leigðum saman um tíma meðan ég reykti, ásamt með einum enn sem reykti og höfðum tvo húsganga sem reyktu. Oft hefur þá verið þungskýjað í stofunni.
Þess utan... forvarnagildi. Reykingar unglinga/ungmenna eru fáránlega algengar. Það er ekkert nýtt. Það virðist vera eitthvað við það að vera 13 sem lætur manni finnast Kurt Cobain vera æði og reykingar kúl. En þegar búið verður að koma málum þannig fyrir að þú getur hvergi reykt nema útan húss eða heima hjá þér - þá held ég að dragi nú vel úr reykingum. Þá er þetta farið að verða meira vesen en það er virði. Færri reykjandi fyrirmyndir = færri reykjadi unglingar.

Aðeins meira um léttpopp...

2005-02-19T20:23:00.000Z

Sko. Það má auðveldlega skilja niðurlag síðustu færslu þannig að mér finnist hljómsveitir eins og Á móti sól, Í svörtum fötum og Nylon vera eitthvað ómerkilegri en aðrar hljómsveitir. Jú, mér reyndar finnst það í tilfelli Nylon - bara einhverjar fjórar stelpur, valdar í hópinn útafþví að þær eru sætar og syngja ekki illa - að syngja útvatnaðar útgáfur af gömlum smellum. Berið td. saman lög unga fólsins með annars vegar Unun og hins vegar Nylon. Hvítt og svart alveg.
En hinar hljómsveitirnar - og fleiri í þeim flokki: Skímó, Írafár, Land og Synir sálugu og fleiri slíkar. Þetta finnast mér að mörgu leyti afskaplega fínar grúppur. Vel spilandi bönd, afskaplega þétt og flott á sviði. Sá td. einu sinni Land og Syni í Sjallanum - fór bláedrú, bara til að kíkja. Þeir voru afskaplega pro. Allt gekk eins og vel smurð vél, varla andardráttur milli laga á prógramminu. Og mátti sjá árangur erfiðisins á dansgólfinu þar sem allt var að veraða vitlaust! Og það sem ég hef séð til hinna sveitanna setur þær í sama klassa - fyrsta flokks skemmtikraftar! Hnökralaus flutningur allajafnan.
Frumsamin tónlist þessara sveita höfðar samt svona heilt yfir ekki til mín. Virðist höfða mjög sterkt til unglingsstúlkna - sem er náttúrulega frábær markhópur að hafa. Þvi þangað sem unglingstúlkur fara, þangað fara jú unglingsstrákar líka ;)
Meira segja í gamla daga þegar ég var í Stuðkompanníinu, þá fannst mér tónlist í þeim anda sem við vorum að flytja ekkert sérstaklega áhugaverð. Ekki til að hlusta á. Ég var að hlusta á Pink Floyd og eitthvað svoleiðis stuff.
Rakst á reyndar fyrir nokkrum mánuðum grein í því merka riti Sound on Sound þar sem þeir voru að spekúlera í þessu - að menn sem eyddu heilu vikunum í að klippa til einhverjar lúppur og prógrammera einhver kúl dansgrúf þeir voru sko aldeilis ekki að hlusta á svoleiðis músik í frítímanum. Þá löggðust þeir í sófann og hlustuðu á eitthvað "ekki stuð". Þarna var verið að tala um það sem pirrar jafnt Bigga í Maus og mig, þe. markaðsvæðingu tónlistar. Menn eru upp til hópa ekki að búa til þá tónlist sem þá langar að hlusta á sjálfa, heldur það sem þeira halda að aðrir vilji hlusta á! Og allir reyna að búa til músik eins og er vinsæl. Sem aftur þýður að sirka allt "mainstream" popp hljómar eins - sem er náttúrlega ekki mjög spennandi.
Væri óskandi að fleiri listamenn og sérstaklega útgefendur (jafnt platna, bóka og kvikmynda) myndu þora að hugsa ekki um markaðssetningu fyrr en varan er til - þe. byrja á því að gera verkið sem mann langar að skapa - og þá fyrst að hafa áhyggjur af því hvort einhver kaupi. En það er ekki mikil von til þess - þetta er eins og að biðja menn að fara að tapa pening, eða taka óþarfa áhættu "aþþíbara"!

Bölvað maus að vera poppari?

2005-02-18T23:46:00.000Z

Á bls. 30 í Fréttablaðinu í dag (nálgist það hér) má rekast á gamalkunnan tón. "alvarlega þenkjandi rokk/poppari" að öfundast útí vinsældir svokallaðra sveitaballabanda og í leiðinni að míga oflátungslega yfir fólk af landsbyggðinni - með áherslu á tónlistarfólk af landsbyggðinni. Aumt væl.
Það eru að vísu þarna einhverjir punktar sem er nokkuð vit í, eins og að dægurtónlistarmenn af landsbyggðinni séu að meira leyti aldir upp á sveitaböllum. Ég get alveg skrifað undir það - ég heyrði sem unglingur í miklu fleiri böndum á böllum en á tónleikum. Slatti af fínum tónleikum í minningunni lika - Egó, Þursaflokkurinn (bæði að fylgja eftir "Hinn Íslenski Þursaflokkur" og líka "Gæti eins verið"), Baraflokkurinn (sem var jú utan af landi), Rickshaw... Á böllum sá ég Stuðmenn, Grýlurnar og svo mest einhverjar lókal hljómsveitir. Rokkbandið var býsna heitt í Eyjafirðinum á þeim tíma.
Hvar myndi Birgir Örn flokka Rickshaw? Þeir voru nú með nógu andskoti stóra drauma - og af mölinni. En maður hefur samt á tilfinningunni að það hafi meira verið pælt í því hvað myndi ganga og reyna að búa til svoleiðis en að þeir hafi verið að ausa úr innstu sálarkimum. En kannski voru þeir að gera hvorttveggja. Veit ekki - hlustaði ekki mikið á Rickshaw. En ég hef á tilfinningunni að þrátt fyrir stóra drauma á mölinni muni Birgir flokka Rickshaw frekar með "Í svörtum fötum" en Maus.
Og í hina áttina - mér skilst að einhver hluti SigurRósar sé frá Blönduósi?
Ég held að málið sé einfaldlega það að Biggi er að eldast og er farinn að missa vonina. Í stað þess að játa að Maus hafi einfaldlega ekki verið að semja tónlist sem náði til almennings, þrátt fyrir marga fína spretti að mínu mati (og máski hefur sérstæður söngstíll Birgis ekki síst spillt fyrir), reynir hann að gera ómerkilegan árangur þeirra hljómsveita sem náðu meiri lýðhylli.
Það að reyna að teikna þetta upp sem "ófrumlegar froðupopphljómsveitir utan af landi" á móti "listrænu rokkhljómsveitunum úr Reykajvík" finnst mér með endemum ósmekklegt.
Það verður hér að koma fram fyrir þá sem kunna að lesa þetta og ekki vita það þegar, að mér er málið skylt - ég var í léttpoppsveit utan af landi. En ég þvertek fyrir að það geri mig að eitthvað síðri tónlistarmanni en ef svo hefði ekki verið. Mín fyrsta "pro" reynsla sem tónlistarmanns var að spila í gömludansahljómsveit - 18-19 ára gamall! Síðan hef ég spilað allan andskotann og haft bæði gagn og gaman af. Og ég held að ég þori að fullyrða að ég er í dag talsvert fjölhæfari og sjóaðri músikant en Biggi - með fullri virðingu fyrir honum. Ég hins vegar kemst ekki með tærnar þar sem hann hefur hælana sem lagahöfundur, en það er bara allt annar handleggur.
Ég skal að lokum játa að ég skal frekar hlusta á Maus í heilan sólarhring frekar en að þurfa að hlusta á nýjustu plötur Á Móti Sól, Í Svörtum Fötum og Nylon. Ári margt sem ég vildi þó frekar hlusta á en Maus.

Húsnæðismál.

2005-01-30T22:59:00.000Z

Ég, líkt og fleiri, sá vonarneista þegar bankar og Íbúðarlánasjóður tóku að hækka íbúðarlán og veðhlutfall og lækka vexti fyrir skemmstu. Það sem hefur talsvert minna glatt mig í þessu er það hve íbúðarverð hefur hækkað á tímabilinu.

Mér var ráðlagt af fasteignasala skömmu fyrir jól að kaupa þá, því að það myndi allt hækka um áramótin. Ég varð hissa mjög og spurði hver ákvæði það - þar sem ég hélt að markaðsaðstæður ræðu þessu. Það varð fátt um svör.

En samt - þetta er að hækka. Þrátt fyrir að samkv. upplýsingum frá Fasteignamati var hámarki náð í fjölda kaupsamninga í nóvember/byrjun des. Vikuna 3-9 desember voru 290 sölur, en 21.-27. janúar var salan komin niður í 173 samninga.

Það hægir á markaðnum, framboðið er sem aldrei fyrr, en verðið heldur áfram að hækka? Hvað er í gangi hérna?

Doði.

2005-01-30T22:43:00.000Z

Hef ekki verið í sérlega miklu boggstuði uppá síðkastið - eins og glöggir lesendur hafa máski sumir hverjir tekið eftir. Enginn bömmer í gangi eða neitt - bara eitthvað hálf andlaus.

Verð þó að tjá mig um það með allnokkurri ánægju hve gaman mér hefur þótt að fylgjast með Halldóri Ásgríms reyna að staulast í skónum af Dabba - hvílíkur buslugangur! Ok - ég get, þó hægrimaður sé - auðveldlega tekið undir það að allavega útávið var stjórnunarstíll Davíðs í forsætisráðuneytinu orðinn óforskammaður og brútal. Menn bara keyptu hans skoðun eða urðu undir lestinni. Ítreka - svona virkaði þetta á mig séð utanfrá, veit ekkert hvað var í raun í gangi. EN jedúdda mía - Halldór greyið á bara ekki séns í þetta djobb.

Spurning hvort ekki sé ráð að fara að huga að því hvað maður kýs og hvað er líklegt að gerist að loknum næstu þingkosningum? Sjálfur studdi ég áframhaldandi setu núverandi stjórnar síðast - með þó verulegt óbragð í munninum útaf þessu íraksdæmi, sem er alveg agalegt. En ég er ekki viss um að ég geti það aftur - útaf sama máli. Framsókn verður væntanlega svona sirka horfin - það af fylginu sem ekki fór meðan þeir voru "hinn flokkurinn" í samstarfi við sjálfstæðisflokkinn hlýtur að fara núna. Það sem ég er að spá... hvað er hægt að gera til að halda Samfylkinginnu frá stjóranrráðinu? Mér hrýs hrollur við tilhugsunina um það hvað svona hentistefnuhópur gæti valdið þar miklum skaða. VG - nei, ágætis flokkur held ég - bara ekki fyrir mig. Frjálslyndir? Með Adda Kidda Gau sem formann? Hmm... nei. Það er ekki um neitt að velja!!! Urr.....

Fínt kvöld...

2005-01-07T01:12:00.000Z

jamm... Fór á Breiðvang og hlustaði og horfði á minningartónleika um Pétur W. Kristjánsson, þann mæta mann. Mér fannst þetta bara fínt! OK - það voru ekkert allir í sínu besta spilaformi og einhverjar hljómsveitirnar guldu verulega fyrir það að foringjann vantaði, en samt var þetta mjög fínt.

Fannst þetta sjálfum minnst gaman framan af - byrjaði á ljóði fluttu af Kristjáni Hreinssyni - sem mér finnst talsvert ofmetið fyrirbæri.

Svo kom etthvað sem var kynnt sem KK sextett - en var Raggi Bjarna, Papa Djass, Bjössi Thor og Jón Rafns. "Hér á landi á" er sterk hefði fyrir fjölmennum tríóum, en fjögurra manna sextett er eitthvað sem er bara alls ekki spennandi.

Svo komu tvær útgáfur af Pops. Æji - seinni útgáfan, með Tryggva Hübner og Ásgeiri Óskars var betri - en Pops var bandið sem mest leið fyrir foringjaskort. Það þrátt fyrir að bæði Bigga Hrafns og Óttar Felix.

Hlutirnir fóru að verða forvitnilegir þegar minni gamli spilafélagi og mæti vinur Björgvin Gíslason og Diddi Fiðla tróðu upp og spiluðu gamla Náttúruútgáfu af Grieg stykki sem mér er alfarið um megn að muna í augnablikin hvað heitir. Trölladansinn? Man ekki. Þeir höfðu auðheyranlega ekki lagt nótt og dag við æfingar - meira eins og kannski 2-3 tíma. Og þetta var ekkert frábært, en virkilega skemmtilegir sprettir. Miklir og góðir músikantar báðir.

Svo komu Svanfríður og Paradís. Í öðru hvoru bandinu var Siggi Karls á trommur. Hann er fjári góður - þó skilst mér að hann hafi vart sest við sett í 6-8 ár. Bara flott hugsun í því sem hann var að gera. Vondur bassisti samt með honum. Sá var í hinu bandinu líka reyndar - þá með að mig minnir Geira Óskars. Það var nokkuð fínt.

Það sem kveikti í mér fyrst var Start. Sigurgeir að vísu með gítar sem ég hélt að hann myndi aðeins nota í stúdíói - annars hefði ég reynt að klúðra því þegar hann keypti hann um daginn - agalega ljótur Steinberger. Fjólublár og hauslaus. Svona síðeitís gítar. En hörkuband. Illu heilli kom svo Bjartmar og söng með þeim. Hann er skemmtilegur kall og orðheppinn, en ekki beint það sem ég myndi kalla góðan söngvara.

Svo kom, eins og skrattinn úr sauðalæknum, Mezzoforte. Hef ekki séð þá lengi - og aldrei betri en þarna. Jóel Páls á sax og Gummi Pé á gítar. Það var að gera sig. Siðast var ég að verða brjálaður á Frissa Karls - hann var með einhvern fokdýran gítar og fullan ískáp af græjum, hundvondt sánd og með gítarinn meira og minna falskan allt giggið. Gummi með strat, 1 eða 2 pedala og combo. Svínsándaði. Þeir tóku eitt lag og kölluðu síðan upp Jóa Helga og Ellenu Kristjáns til að taka með þeim lag Jóa "driving in the city" sem Póker gerði ekkert sértaklega vinsælt.

Svo kom Gargið. Jonni Ólafs, Hübner og Ploder. Jonni sagði nokkur orð um sinn forna og fallna félaga - fleiri orð en ég hef áður heyrt hann segja í striklotu. En það var bæði fyndið og sætt. Svo söng hann "have I told you lately" til Péturs - eins og engill. Ekki allir sem vita hvað Jonni er góður söngvari. Svo komu Geiri, Kiddi Gumm og Bjöggi Gísla með og var rennt í Rabbits. Steinlá.

Svo Palli Rós - söng texta Stefán Hilmars við eitthvað væmið útlenskt lag við undirleik Sálarinnar mínus Stebba og Jenna en plús Matti fiðla, Þórir úlfars og Gummi Pé. Grautur. Of margir spilarar. Svo fóru nokkrir og Sálin tók tvö - vitskert veröld eftir Einar Vilberg og að sjálfsögðu Krókinn. Skemmtilegt að sjá í Króknum, þá laumaði Gulli Briem sér fram á sviðið og launaði Jóa Hjö greiðann síðan í "driving in the city" skömmu áður og lamdi kúarann, en svo læddist fram, þegar líða tók á lagið, Siggi Karls með tambourínu. Skemmtilegt móment. Og Sálin verulega sjóað og traust band orðið. Kannski sísti parturinn músiklega maðurinn sem heldur að öðru leyti kvikyndinu á floti, hann Gummi. Ekki beint mín týpa af gítarleikara, en þetta virkar fínt í samhenginu - fínt band.

Svo kom svona allir á sviðið og taka vældarann móment sem var asnalegt. 30 manns á sviðinu - örugglega 10 með tambourínur, 3 með mæka, 8 gítarar í 4 gítarmagnara, 4 bassar og einn magnari osfrv... Þá fór ég bara...

En samt - falleg og skemmtileg kveðjustund.

Góða nótt.

... og aldrei það kemur til baka.

2004-12-31T13:55:00.000Z

Hvað stendur svo uppúr á árinu? Svona án þess að eyða neinum tíma í djúpa þanka um þetta þá flaug mér þetta í hug:

Innlent.

Framganga Samherjafrænda við strand flaggskips þeirra. Er einhver hissa eða ósáttur núna að þessir menn hafi það þokkalegt?

Endurkjör ÓRG sem forseta - sorglegt.

Olíuskýrslan - nú þarf bara að sjá til þess að þeir sem ábyrgir voru fyrir þessum þjófnaði af okkur öllum fái maklega refsingu. Mér finnst eðlilegt að taka kalla eins og Kristinn Björnsson og svipta hann öllum eigum og loka hann inní í 2-3 ár. Borgarstjórinn fyrrverandi fékk mjög minniháttar refsingu finnst mér - þurfti að hætta í vinnunni sinni. Big deal - fær sér nýja vinnu strax á nýju ári , klár kall - ætti ekki að vefjast fyrir honum. Engin ástæða til að refsa honum samt frekar - hann var peð í þessu, en samt - vissi að brot voru í gangi og gerði ekkert í því.

Ósamræmi í máli Halldórs Ásgrímssonar og Kidda Sleggju, um hvort það að setja okkur á lista staðfastra þjóða hafi verið rætt innan stjórnarflokkanna. Sú gjörð, að standa við bakið á Könum í þessu andstyggilega stríði þeirra, verður ekki fyrirgefin. Það að gera það í mínu nafni.... svívirða.

Árni Johnsen gengur laus - og virðist ekki hafa minnstu ögn af samviskubiti gagnvart þjóðinni sem hann stal peningum frá. Talar enn um "mistök". Er hann svona heimskur eða svona siðblindur?

Loksins einhver glóra í íslensk húsnæðislán. Eini gallinu að við það glataði verðlag á fasteignum glórunni og er nú alfarið glórulaust.

Erlent.

Nýafstaðinn harmleikur við Indlandshaf skyggir á allt annað.

Eða því sem næst - framganga bandaríkjamanna í Írak, Afgahanistan og Guantanamo sér um að skyggja á restina. Þegar þessir forðum varðmenn friðar eru orðinn helsta ógnin við heimsfriðinn - þá er eitthvað mikið að.

Tengt því - endurkjör GWB sem forseta USA. Grátlegt. Hvað er þetta - eitthvað æði að ganga að kjósa sér vonda forseta?

Aðgerðarleysi heimsins gagnvart þjóðernishreinsunum í Darfur.

Örugglega alveg heill bunki af stórmerkilegu dóti, innlendu sem erlendu, jákæðu sem neikvæðu sem ég er að gleyma - en ég bara nenni ekki að velta mér uppúr þessu lengur.

Þakka ykkur öllum þokkalega þolanlegt ár og óska alls hins besta á því næsta.

kjánaleg "quiz"

2004-12-31T13:51:00.000Z

Það ganga manna (þó aðallega kvenna) á meðal hin ýmustu misheimskulegustu próf eða "quiz" eins og móðins er að kalla þetta. Persónuleikakannanir einhverskonar. Við sjáum jú öll hvað þetta er bráðnauðsynlegt. Þetta hérna td. kom mér alveg fullkomlega í opna skjöldu:

Your Dominant Intelligence is Musical Intelligence

Every part of your life has a beat, and you're often tapping your fingers or toes.
You enjoy sounds of all types, but you also find sound can distract you at the wrong time.
You are probably a gifted musician of some sort - even if you haven't realized it.
Also a music lover, you tend to appreciate artists of all kinds.

You would make a great musician, disc jockey, singer, or composer.

What Kind of Intelligence Do You Have?

Að ég væri músikalskur??? What??

Fíbblalegt.

Það besta við að skreppa að heiman...

2004-12-28T22:22:00.000Z

... er tvímælalaust það að koma aftur heim. Það finnst mér - jafnvel þó mitt stutta jólaskrepp hafi verið heim til pabba og mömmu, sem er jú einhverskonar "heima" líka - þó svo ég hafi aldrei búið þar sem þau búa núna. Og ekki vantaði ögn uppá að það væri frábært að kíkja í heimsókn - eðalmatur, súkkulaði og bakkelsi í ótrúlegu magni á boðstólum og allt fullt af nýjum spennandi bókum! Sem er frábært - en það er bara ennþá frábærara að koma heim aftur :) Þá þarf ég bara að hrista úr mér þennan kvef/flensku/hverþremillinnsemþettaer skít sem er að stríða mér og þá er allt frábært!
Ein spurning að vísu til bókmenntasinnaðra lesenda - ég fékk ógnarþykka og mikla útgáfu af Moby Dick að gjöf - er hún jafn góð og hún er þekkt? Las einhverntímann í æsku einhverja talsvert styttri útgáfu - kannski var það bara svona barnabók byggð á þræðinum eða þannig. En ég er altso að spá - ætti ég að skipta þessu ferlíki eða er hún þess virði að lesa? Stór og þung og fer illa í rúmi, sem er verulegur galli á bók smkv. mínum stöðlum. Hvað segðiði?

Taxtar - bull eða fínt mál?

2004-12-22T01:29:00.000Z

Mér varð hugsað til þess þegar ég renndi inná bílastæðið hjá 10-11 í Lágmúlanum (að lokinni tæplega 13 tíma törn í búðinni) og sá Porche Cheyenne leigubíl standa þar og bíða eiganda sín hvað staðlaðir taxtar geta verið mikið bull. Leigubílar eru augljóst dæmi - þeir keyra jú allir á sama taxta. En þessi leigubílstjóri var með vanda glæsikerru þar sem fer vel um farþegana og þeir komast leiðar sinnar í flestum veðrum - bíl sem kostar yfir 10 milljón krónur. Svo var síðast þegar ég vissi einn á Hreyfli á gamalli Mösdu 626 - held að hún sé einhverstaðar á bilinu 1984-1984 módel (þú kannski leiðréttir mig bróðir - er bíll eins og þú áttir í Skipasundinu), sætin eru sliguð og óþægileg og það er svona hálfsúr lykt í honum - eins og mjólkurferna hafi skriðið undir eitt sætið fyrir mokkrum árum og dáið þar. Það kostar það sama að nota þjónustu þessara tveggja bílstjóra. Hvaðra fjárans vit er það?!

Það sama má nota sem krítík á sirka alla staðlaða taxta. Ég get tekið minn bransa, tónlist. Á veitingarhúsi hér í bæ, sem við getum kallað Dubliners til gamans, eru oft að spila hljómsveitir. Þar fá, eftir því ég best veit, allir sömu laun fyrir að spila. Ég hef ekki spilað þarna í nokkuð langan tíma, því að ég nenni ekki að vinna fyrir þau lúsarlaun sem þar eru greidd - finnst ég vera meira virði en það. Vertinn þarf heldur ekkert að borga meira, það er fullt af hljómsveitum sem eru alveg til í að spila þar til hálf sex um morguninn fyrir klink. Gallinn er að sumar þeirra eru á þeim standard að þær eiga ekki einu sinni þessa hungurlús skilið. Að mínu mati nota bene - það finnst örugglega einhverjum þetta frábær bönd. En mitt mat vegur þyngra - ég er nebbla fagmaður ;)

Þetta má líka nota um t.d. kennara, lækna, tollverði og löggur - það er allt of lítið um að fólki sé launað eftir því hve vel það vinnur vinnuna sína - starfsaldur (í sumum tilfellum lífaldur - how stupid is that?) og einhverjir staðlar ráða allt of miklu. Þetta er því meira áberandi eftir því sem stéttirnar eru lokaðri og mest áberandi hjá starfsmönnum hins opinbera. Með þessu er ég alls ekki að segja að ekki sé þar hæft starfsfólk - heldur er einfaldlega enginn hvati (umfram persónulegan metnað) til að standa sig vel í starfi! Vont vinnuumhverfi fyrir gott starfsfólk, en hreint himaríki fyrir ... skulum kalla það "minna gott starfsfólk" - maður á nefnilega að vera góður á jólunum.

Og hananú!

Gleðlileg Jól!!

af slæmum skiltum.

2004-12-19T01:03:00.000Z

Ég átti leið niður Laugarveginn, sem oftar, nú í vikunni. Og eitthvað var ég meira í að taka eftir vissum þáttum í umhverfinu en aðra daga - kannski útafþví að það var kalt og þá versnar alltaf útsýnið á Laugarveginum - bévaðar skjólflíkur.. Allavega - mig langaði að deila tvennu sem mér fannst svolítið mikið fyndið. Skilti á verslun sem heitir 1928 og er, að þvi sem mér sýnist af því sem sést í gluggum, antikbúð. Skiltið: full búð af nýjum vörum. NÝJUM VÖRUM!!!!! Í antikbúð??
Hitt skiltið er á horni Lækjargötu og Austurstrætis, utan á nýbrunnum veitingastað. Þar stóð - og stendur trúlega enn:

Pizza
Kebab húsið
Fish and Chips

Pizzakebabhúsið Fiskur og Franskar góðandaginn...

Stundum missir fólk bara fókusinn....

Ásta Ragnheiður skorar feitt!

2004-12-15T01:29:00.000Z

Ásta Ragnheiður skilst mér að hafi lagt fram frumvarp í líðinni viku við bann á auglýsingum á óhollum mat. Ég sé í sjálfur sér ekki ástæðu til að tjá mig neitt frekar - vísa hér bara á umfjöllum Vefþjóðviljans á þessu. Ég get ekki sagt neitt betur um þetta held ég - forsjárhyggja dauðans!